![](https://urdu.bharatexpress.com/wp-content/uploads/2023/07/amarnath.png)
کثیر تعداد میں عقیدت مندوں نے امرناتھ کا دورہ کیا
Amarnath Yatra: ہفتہ کی صبح 7,000 عقیدت مندوں (یاتریوں) کی ایک تازہ کھیپ (یونٹ) جموں سے دو بیس کیمپوں کے لیے جنوبی کشمیر کے ہمالیائی علاقے میں واقع امرناتھ مندر کی زیارت کے لیے روانہ ہوئی۔
حکام کے مطابق 7,392 یاتریوں کی 13ویں کھیپ بھگوتی نگر بیس کیمپ سے 272 گاڑیوں کے قافلے میں سخت سیکورٹی کے درمیان روانہ ہوئی۔
انہوں نے بتایا کہ صبح تقریباً 4 بجے، 4,024 یاتری 146 گاڑیوں کے قافلے میں پہلگام کے لیے روانہ ہوئے۔ جب کہ 126 گاڑیوں میں 3,368 یاتری باٹال کی طرف روانہ ہوئے۔
اس کے ساتھ 30 جون سے اب تک جموں کے بیس کیمپ سے کل 80,181 عقیدت مند وادی کے لیے روانہ ہوئے ہیں۔
ملک بھر سے عقیدت مند (یاتری) قدرتی طور پر بنے شیولنگ کے درشن کے لیے امرناتھ جاتے ہیں۔
جمعہ کو سب سے زیادہ 24,445 عقیدت مندوں نے بابا برفانی کے درشن کیے۔ اب تک 1.90 لاکھ یاتری امرناتھ یاترا کر چکے ہیں۔
حکام نے کہا کہ امکان ہے کہ ہفتے کی شام تک یہ تعداد دو لاکھ سے تجاوز کر جائے گی۔
ہمالیہ کے علاقے میں 3,888 میٹر اونچے غار مندر کی 62 روزہ سالانہ یاترا یکم جولائی کو شروع ہوئی اور 31 اگست تک جاری رہے گی۔ اس یاترا کے دو راستے ہیں۔ ایک، اننت ناگ ضلع کا روایتی 48 کلومیٹر لمبا ننوان-پہلگام راستہ، جبکہ دوسرا گاندربل ضلع کا بالتل راستہ، جو چھوٹا لیکن انتہائی مشکل ہے۔
بھارت ایکسپریس