دہلی کے مایاپوری میں فیکٹری میں لگی خوفناک آگ، فائر بریگیڈ کی 14 گاڑیاں موقع پر پہنچی
Delhi Fire: مغربی دہلی کے مایا پوری علاقے میں 21 جون بدھ کی صبح ایک بڑا واقعہ پیش آیا۔ قابل ذکر بات یہ ہے کہ یہاں ایک فیکٹری میں زبردست آگ لگ گئی۔ آگ لگتے ہی وہاں افراتفری مچ گئی۔ جیسے ہی آس پاس کے لوگوں نے دھواں اٹھتے دیکھا تو وہ موقع پر پہنچے اور پولیس اورفائربریگیڈ کو اطلاع دی۔ اطلاع ملتے ہی فائر بریگیڈ کی 14 گاڑیاں موقع پر پہنچ گئیں۔ فی الحال آگ پر قابو پانے کی کوششیں جاری ہیں۔
تقریباً 70 فائر فائٹرز کی ٹیم آگ بجھانے میں مصروف ہے۔ آگ بہت شدید ہے اور اس کے پیش نظر ڈویژنل آفیسر ویدپال، اسسٹنٹ ڈویژنل آفیسر رویندر سنگھ اور آر کے یادو کو بھی موقع پر بھیجا گیا ہے۔ جس فیکٹری میں آگ لگی اس کے آس پاس فیکٹریاں ہیں۔
#WATCH दिल्ली: मायापुरी इलाके में एक फैक्ट्री में आग लगी। दमकल की 13 गाड़ियां मौके पर मौजूद हैं। अधिक जानकारी की प्रतीक्षा है।
(वीडियो सोर्स: दिल्ली फायर सर्विस) pic.twitter.com/Yutk6AVH6n
— ANI_HindiNews (@AHindinews) June 21, 2023
فائر سروس کے ڈائریکٹر اتل گرگ نے بتایا کہ جس عمارت میں آگ لگی، وہ تہہ خانے، گراؤنڈ اور تین منزلوں تک بنی ہوئی ہے۔ فی الحال آگ بجھانے کا کام جاری ہے۔ ابھی تک کسی جانی یا مالی نقصان کی اطلاع نہیں ہے۔
ذرائع کے مطابق یہ آگ ایک فیکٹری میں لگی ہے۔ یہ فیکٹری ایک عمارت میں تعمیر کی گئی ہے جس کے چلتے پوری عمارت میں افراتفری مچ گئی۔ فیکٹری میں سرجیکل کا سامان اور دیگر
سامان رکھا ہوا تھا۔ فیکٹری کے اس حصے میں اچانک آگ بھڑک اٹھی اور پوری فیکٹری کو اپنی لپیٹ میں لے لیا۔ بتایا جا رہا ہے کہ صبح 6 بجے کے قریب اس فیکٹری میں آگ لگ گئی۔ جس کی اطلاع ساڑھے چھ بجے فائر بریگیڈ کو دی گئی۔
بھارت ایکسپریس۔
