یونائیٹڈ ورلڈ ریسلنگ آیا پہلوانوں کی حمایت میں، ریسلنگ فیڈریشن آف انڈیا پر پابندی لگانے کی دی دھمکی
Protesting wrestlers return from Haridwar: بی جے پی رکن پارلیمنٹ اور عالمی ریسلرز فیڈریشن کے صدر برج بھوشن شرن سنگھ کے خلاف احتجاج کررہے ملک کے سرکردہ پہلوانوں نے آج احتجاجاً اپنے میڈل کو ہریدوار جاکر گنگا میں بہانے کا اعلان کیا تھا۔ پروگرام کے عین مطابق اپنے تمام میڈل کے ساتھ پہلوان گنگا کے کنارے پہنچ گئے تھے ۔ اس بیچ ناہی سرکاری کی جانب سے کوئی مداخلت کی گئی اور ناہی کسی اپوزیشن کی جماعت کے کسی وفد نے پہلوانوں کو روکنے کی کوشش کی ۔ البتہ ایک بار پھر کسانوں نے پہلوانوں کو اس قدم سے روکنے کا فیصلہ کیا اور اس میں وہ کامیاب بھی رہے ۔
#WATCH | Naresh Tikait arrives in Haridwar where wrestlers have gathered to immerse their medals in river Ganga as a mark of protest against WFI chief and BJP MP Brij Bhushan Sharan Singh over sexual harassment allegations. He took medals from the wrestlers and sought five-day… pic.twitter.com/tDPHRXJq0T
— ANI (@ANI) May 30, 2023
دراصل کسانوں کے رہنما نریش ٹکیت نے حالات کی نزاکت کو دیکھتے ہوئے مداخلت کی اور وہ فوراً ہریدوار پہنچے جہاں پہلوانوں کو سمجھانے کی کوشش کی اور کہا کہ آپ کا میڈل پھینکا کسی بھی ناحیے سے مناسب نہیں ہے ۔ نریش ٹکیت نے کافی دیر تک پہلوانوں کو سمجھایا اور اخیر کار گنگا میں میڈل بہانے کے فیصلے کو واپس لینے پر قائل کرلیا ۔ نریش ٹکیت کی اس محنت کی وجہ سے پہلوانوں نے آج اپنے میڈل بہانے کا فیصلہ واپس لے لیا ہے اور وہ ہریدوار سے واپس دہلی کیلئے لوٹ رہے ہیں ۔ اس بیچ نریش ٹکیت نے مرکزی سرکار کو پانچ دنوں کا الٹی میٹم دیا ہے۔
#WATCH | Protesting wrestlers return from Haridwar after Farmer leader Naresh Tikait intervened and sought five days time from them. pic.twitter.com/JQpweCitHv
— ANI (@ANI) May 30, 2023
بھارتیہ کسان یونین کے قومی صدر اور بالیان کھاپ کے پردھان نریش ٹکیت دوسرے کھاپوں کے صدور کے ساتھ پہلوانوں کو منانے کیلئے ہریدوار پہنچے تھے جہاں ان کی کوشش رنگ لائی اور پہلوانوں کو یہ احساس دلایا کہ مایوسی کے عالم میں کوئی غلط قدم نہ اٹھائے۔ ہر کی پوڑی میں موجود وینیش پھوگاٹ اور شاکشی ملک سمیت تمام پہلوانوں نے کسانوں کی بات کو مانتے ہوئے اپنا فیصلہ واپس لے لیا ہے ۔اب کسانوں کی جانب سے سرکار کو پانچ دنوں کی مہلت دی گئی ہے ۔پانچ دنوں کے اندر میں پہلوانوں کے مطالبات نہیں مانیں جائیں گے تو پھر آگے ملک گیر احتجاج جیسے اہم فیصلے لئے جاسکتے ہیں ۔
