اڈیشہ کے وزیراعلیٰ کی رہائش گاہ کے باہرکل اس وقت حالات کشیدہ ہوگئے، جب 2 خواتین نے احتجاج کے بعد اچانک زہرکھا لیا۔ پولیس نے بتایا کہ اتوارکو3 خواتین اوڈیشہ کے وزیراعلیٰ موہن چرن مانجھی کی رہائش گاہ کے قریب مسلسل احتجاج کررہی تھیں۔ ان میں سے 2 نے مبینہ طورپرزمین کے تنازعہ کوحل کرنے میں تاخیرپرغصے کا اظہارکرتے ہوئے زہرکھا لیا۔
بھونیشورکے ڈی سی پی جگموہن مینا نے کہا کہ یہ واقعہ لوئرپی ایم جی میں نامزد احتجاجی مقام کے قریب پیش آیا۔ ڈی سی پی نے کہا، “تین خواتین نامزد مقام پراحتجاج کررہی تھیں، ضلع بن پور، کھردا میں ایک زمینی تنازعہ کوحل کرنے کا مطالبہ کررہی تھیں۔ اسی دوران بانپورسے پولیس اہلکاروں کواحتجاج کے مقام پربلایا گیا تاکہ انہیں ان کے علاقے میں لے جایا جائے اور زمینی تنازعہ کوحل کیا جا سکے۔”
پبلک ٹوائلیٹ جانے کے نام پرکھایا زہر
انہوں نے بتایا کہ بنپورکے لئے روانہ ہونے سے پہلے تینوں میں سے 2 خواتین ایک پبلک ٹوائلیٹ میں چلی گئیں اورمبینہ طورپروہیں پرزہرکھا لیا۔ دونوں خواتین کی حالت بگڑنے لگی تودونوں کوکیپٹل اسپتال لے جایا گیا۔
دونوں خواتین اب خطرے سے باہر: ڈی سی پی
ڈی سی پی مینا نے کہا کہ دونوں کا پوٹاش پانی سے علاج کیا گیا اورانہیں الٹی کرائی گئی۔ ابتدائی رپورٹ سے پتہ چلتا ہے کہ اب وہ خطرے سے باہرہیں۔
بھارت ایکسپریس اردو-
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
