راہل نے اپنی اننگز میں 16 چوکے اور 9 چھکے لگائے۔ انہوں نے ابھشیک شرما کا ریکارڈ توڑ دیا، جنہوں نے آئی پی ایل 2025 میں سن رائزرز حیدرآباد کی طرف سے پنجاب کنگز کے خلاف 141 رنز بنائے تھے۔ راہل دہلی کیپیٹلز کی جانب سے بھی آئی پی ایل میں سب سے بڑی اننگز کھیلنے والے کھلاڑی بن گئے ہیں اور انہوں نے اس معاملے میں رشبھ پنت کو پیچھے چھوڑ دیا، جنہوں نے 2018 میں 128 رنز ناٹ آؤٹ کی اننگز کھیلی تھی۔
تاریخ کی تیسری سب سے بڑی انفرادی اننگز
راہل کی یہ اننگز آئی پی ایل کی تاریخ کی تیسری سب سے بڑی انفرادی اننگز بھی بن گئی ہے۔ وہ آئی پی ایل میں 150 سے زیادہ رنز بنانے والے صرف تیسرے کھلاڑی بھی بن گئے ہیں۔ ان سے پہلے یہ کارنامہ صرف کرس گیل (175 ناٹ آؤٹ) اور برینڈن میک کولم (158 ناٹ آؤٹ) انجام دے چکے ہیں۔راہل نے نیتیش رانا کے ساتھ مل کر دوسرے وکٹ کے لیے صرف 95 گیندوں پر 220 رنز کی شاندار شراکت قائم کی، جو آئی پی ایل تاریخ کی دوسری سب سے بڑی پارٹنرشپ ہے۔
نتیش رانا بھی بہترین فارم میں
نتیش رانا نے بھی بہترین فارم دکھاتے ہوئے 44 گیندوں پر 91 رنز بنائے، جن میں 11 چوکے اور 4 چھکے شامل تھے۔راہل اور رانا کی شاندار کارکردگی کی بدولت دہلی کیپیٹلز نے 20 اوورز میں 2 وکٹوں کے نقصان پر 264 رنز بنائے، جو آئی پی ایل میں ٹیم کا اب تک کا سب سے بڑا اسکور ہے۔ اس سے پہلے ڈی سی کا سب سے بڑا اسکور 257 رنز تھا، جو انہوں نے 2024 میں ممبئی انڈینز کے خلاف بنایا تھا۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
