بنگلور: رائل چیلنجرز بنگلور (آر سی بی) نے آئی پی ایل 2026 کا آغاز دھماکے دار فتح کے ساتھ کیا۔ ایم. چنّاسوامی کرکٹ اسٹیڈیم میں ہفتہ کو کھیلے گئے میچ میں آر سی بی نے سن رائزرز حیدرآباد (ایس آر ایچ) کو 6 وکٹ سے شکست دی۔ وراٹ کوہلی نے 69 رنز کی شاندار اننگز کھیل کر ٹیم کی فتح میں کلیدی کردار ادا کیا۔ میچ کے بعد وراٹ کا رومانوی انداز بھی دیکھنے کو ملا اور انہوں نے اپنی اہلیہ انوشکا شرما کو ’فلائنگ کس‘ دی۔ وراٹ نے اپنی اس پاری کے دوران ایک اہم سنگ میل بھی حاصل کیا۔ وہ آئی پی ایل میں رنز کے تعاقب میں 4 ہزار رنز مکمل کرنے والے پہلے بلے باز بن گئے۔
کوہلی کی شاندار کارکردگی
وراٹ نے 38 گیندوں کا سامنا کرتے ہوئے 69 رنز کی نہایت پر اثر اننگز کھیلیں۔ اپنی اس اننگز میں انہوں نے 181 کی اسٹرائیک ریٹ سے کھیلتے ہوئے 5 چوکے اور 5 چھکے لگائے۔ فتح کے بعد وراٹ حریف ٹیم کے کھلاڑیوں سے ہاتھ ملاتے اور گلے ملتے ہوئے نظر آئے۔ اس کے بعد انہوں نے اسٹینڈ میں بیٹھے اپنی اہلیہ انوشکا کی طرف دیکھا اور انہیں ’فلائنگ کس‘ دی۔ انوشکا نے بھی اسٹینڈ سے کوہلی کو ’فلائنگ کس‘ دی، جس سے کوہلی کے چہرے پر مسکراہٹ دکھائی دی۔
پڑیکل کے ساتھ شراکت داری
کوہلی سن رائزرز حیدرآباد کے خلاف شاندار فارم میں دکھائی دیے۔ فل سالٹ کے صرف 8 رنز بنا کر آؤٹ ہونے کے بعد، انہوں نے دیودت پڑیکل کے ساتھ مل کر ٹیم کی اننگز کو سنبھالا۔ کوہلی-پڑیکل نے دوسرے وکٹ کے لیے اچھی شراکت داری کی۔ پڑیکل نے بھی دھواں دار انداز میں 26 گیندوں میں 61 رنز کی اننگز کھیلی۔ اپنی اس اننگز میں پڑیکل نے 234 کی اسٹرائیک ریٹ سے کھیلتے ہوئے 7 چوکے اور 4 چھکے لگائے۔
دیگر کھلاڑیوں کی کارکردگی
آر سی بی کے کپتان رجت پٹیدر نے صرف 12 گیندوں کا سامنا کرتے ہوئے 31 رنز کی شاندار اننگز کھیلی، جس میں انہوں نے 2 چوکے اور 3 چھکے لگائے۔ ٹم ڈیوڈ نے 10 گیندوں میں ناٹ آؤٹ 16 رنز بنائے۔
اس سے قبل سن رائزرز حیدرآباد نے 20 اوورز میں 9 وکٹیں گنوانے کے بعد 201 رنز بنائے۔ ایس آر ایچ کی طرف سے کپتان ایشان کشن نے 38 گیندوں میں سب سے زیادہ 80 رنز بنائے۔ آئی پی ایل میں اپنا ڈیبیو کرنے والے جیکب ڈفی نے 22 رنز دے کر 3 وکٹیں حاصل کیے جبکہ روماریو شیفرڈ نے بھی تین وکٹیں حاصل کیے۔
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
