افغانستان کے داخلی وزیر سراج الدین حقانی نے پاکستان کو سخت وارننگ دی ہے۔ Source : x/@SirajHaqqaniFan
افغانستان کے داخلی وزیرخلیفہ سراج الدین حقانی نے پیرکے روز (3 نومبر، 2025) کوایک بارپھرپاکستان کو وارننگ دی ہے۔ انہوں نے یہ بھی کہا کہ ابھی افغانستان کواوربھی ہتھیاروں کی ضرورت ہے۔ کسی ملک کا نام لئے بغیرخلیفہ سراج الدین حقانی نے کہا کہ کچھ ملک اپنے مفاد کا تحفظ کرنے کے لئے دوسرے ممالک کی خلاف ورزی کرتے ہیں۔
افغانستان کی پاکستان کو وارننگ
پاکستان کووارننگ دیتے ہوئے سراج الدین حقانی نے کہا کہ اگرافغانوں کے صبراوررواداری کا دوبارہ تجربہ کیا جاتا ہے تو، رد عمل بہت تباہ کن ہوگا۔ انہوں نے کہا کہ افغانستان کے پاس طویل فاصلے تک میزائل یا بھاری ہتھیارنہیں ہیں، پھربھی ہمارا عزم بہت مضبوط ہے۔ انہوں نے کہا، “زمینی دفاع ہمارے لئے ترجیح ہے ، لیکن اس کے باوجود، باہمی تفہیم کا راستہ کھلا ہے۔ اگرکوئی حملہ کرتا ہے توہم نے دنیا کے بادشاہوں کا مقابلہ کیا ہے اوراپنی سرزمین کی حفاظت کرنا ہمارے لئے کوئی مشکل کام نہیں ہے۔”
پاکستان کی پریشانیوں کو افغانستان سے نہ جوڑیں
TOLO نیوز کی رپورٹ کے مطابق، سراج الدین حقانی نے کہا، “قطراورترکیے میں پاکستان کے ساتھ حال کی میٹنگوں میں بتایا گیا کہ ان کی (پاکستان) داخلی پریشانیوں کو افغانستان سے نہیں جوڑا جانا چاہئے۔ پریشانیاں پاکستان کی ہیں۔ آپ کے پاس حل ہے تو پھر آپ اسے ہم سے کیوں جوڑ رہے ہیں؟”
سراج الدین حقانی کا یہ تبصرہ ایسے وقت میں آیا ہے جب افغانستان اورپاکستان کے درمیان تعلقات خراب ہوگئے ہیں۔ حال ہی میں افغانستان اورپاکستان کے درمیان تصادم ہوا تھا۔ اس دوران پاکستان نے دعویٰ کیا کہ اس نے ایئراسٹرائیک کرکے افغانستان کے کابل، خوست، جلال آباد اورپویکتا کونشانہ بنایا۔ پاکستان نے ٹی ٹی پی کے ٹھکانوں پربھی حملہ کرنے کا دعویٰ کیا تھا۔ پاکستان کوجواب دیتے ہوئے طالبان نے اسپن بولداک چمن بارڈرپربھی گولی باری کی، جس میں 23 پاکستانی فوجیوں کی موت ہوئی اور29 زخمی ہوگئے۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
