17 ستمبر کو پی ایم نریندر مودی کی 75ویں سالگرہ ہے۔ اس موقع پر ملک اور دنیا بھر سے اُنہیں بہت سی مبارکبادیں موصول ہو رہی ہیں۔ اس موقع پر گجرات بی جے پی کے سینئر رہنما ہرش سنگھوی اور بنگالی اداکار و بھارتیہ جنتا پارٹی (بی جے پی) کے رہنما رودرنیل گھوش سمیت کئی رہنماؤں نے انہیں مبارکباد دی ہے۔
وڈودرا میں بی جے پی کے سینئر رہنما ہرش سنگھوی نے ایک ٹویٹ میں بتایا: ہندوستان میں ایک تاریخی لمحہ! آپریشن سندور کی کامیابی اور پی ایم مودی کی سالگرہ کے موقع پرریاستی حکومت کے ملازمین کی یونینز نے ‘نمو کے نام خون عطیہ’ کے ساتھ ایک عالمی ریکارڈ قائم کیا ہے۔ انہوں نے 378 میگا بلڈ ڈونیشن کیمپس کا انعقاد کیا، جن میں 56,265 یونٹ خون جمع کیا گیا۔ بھارتی تاریخ میں یہ پہلا موقع ہے کہ کسی رہنما کی سالگرہ پر سرکاری ملازمین کی جانب سے اتنی بڑی سطح پر خون عطیہ مہم چلائی گئی ہو۔
واضح رہے کہ وڈودرا میں لگائے گئے ان کیمپس میں میونسپل پرائمری ایجوکیشن کمیٹی، گجرات کی تمام ملازمین کی تنظیمیں اور وڈودرا میونسپل کارپوریشن کے ملازمین نے جوش و خروش سے حصہ لیا۔
ایک لاکھ افراد کی جانب سے خون عطیہ کا عزم
A historic moment in India! 🇮🇳 On the success of #OperationSindoor and Honourable PM @narendramodi Birthday, State Government employee unions have set a world record with ‘Namo ke naam raktdan’. They organized 378 mega blood donation camps, collecting a massive 56,265 units of… pic.twitter.com/B0DM4Wqkzv
— Harsh Sanghavi (@sanghaviharsh) September 16, 2025
وڈودرا کے میونسپل کمشنر ارون مہیش بابو نے بھی میونسپل کارپوریشن کے دفتر میں خون عطیہ کر کے اس مہم کی حمایت کی۔ اس موقع پر ایک لاکھ افراد نے خون عطیہ کرنے کا عزم کیا، جس کے تحت ایک ہی دن میں سب سے زیادہ خون عطیہ کرنے کا ریکارڈ قائم کرنے کا ہدف رکھا گیا۔
میونسپل کمشنر نے کہا،پی ایم مودی کی قیادت اور ان کی تحریک سے یہ منفرد مہم سماجی خدمت کی جانب ایک اہم قدم ہے۔ان کیمپس میں بڑی تعداد میں لوگوں نے شرکت کی، جن میں نوجوان، ملازمین اور سماجی تنظیموں کے اراکین شامل تھے۔ یہ مہم نہ صرف خون کی ضرورت کو پورا کرنے میں مددگار ثابت ہوگی بلکہ معاشرتی اتحاد کی بھی عکاسی کرتی ہے۔
پسماندہ اور قبائلی برادریوں کو سہارا دیا
وہیں، بنگالی اداکار رودرنیل نے ایک ٹویٹ میں کہا: سب سے پہلے میں پی ایم نریندر مودی کو ان کی 75ویں سالگرہ پر ڈھیر ساری نیک خواہشات پیش کرتا ہوں۔ ہمارے ملک میں اب تک جتنے بھی پی ایم ہوئے، وہ سب قابلِ احترام ہیں اور انہوں نے اچھا کام کرنے کی کوشش کی ہے۔ لیکن جو وعدے ادھورے رہ گئے تھے، پی ایم مودی نے انہیں بھی پورا کرنے کا کام کیا۔
انہوں نے مزید کہا کہ پی ایم مودی نے خاص طور پر پسماندہ اور قبائلی برادریوں کے لیے ایسی اسکیمیں شروع کیں جو لوگوں کے حقوق کو یقینی بناتی ہیں، اور اب ہم اس کا اثر واضح طور پر دیکھ سکتے ہیں۔ پی ایم مودی کی قیادت میں ملک ترقی کر رہا ہے۔
اسی طرح، بی جے پی رہنما راہول سنہا نے بھی پی ایم مودی کی سالگرہ کو خاص قرار دیا۔ انہوں نے کہا:پی ایم نریندر مودی نے نئے بھارت کو نئی سمت اور نئی امید دی ہے۔ یہ دن ہمارے لیے بہت خاص اور یادگار ہے۔ ہم اس موقع پر صرف پھول اور مٹھائیاں تقسیم کرنے تک محدود نہیں رہتے، بلکہ عوامی خدمت کے لیے کام کرتے ہیں۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
