گھریلو اور کمرشیل سلینڈر کی قیمتوں میں اضافہ ہوا ہے۔
عوام کے لیے خوشخبری ہے کہ ایل پی جی گیس سلنڈروں کی قیمتوں میں ایک بار پھر کمی کی گئی ہے،اس بار قیمتوں میں 51 روپے تک کی کمی کی گئی ہے۔ عوام کی سہولت کو مدنظر رکھتے ہوئے آئل مارکیٹنگ کمپنیوں نے یہ تبدیلی کی ہے۔ قابل ذکر بات یہ ہے کہ یہ کمی صرف 19 کلوگرام کے کمرشل گیس سلنڈروں میں کی گئی ہے۔اس تبدیلی کے بعد دہلی میں 19 کلوگرام والے کمرشل گیس سلنڈر کی ریٹیل قیمت 1580 روپے ہو جائے گی۔ فی الحال دہلی میں کمرشل سلنڈر کی قیمت 1631.50 روپے ہے۔ نئی قیمتیں کل یعنی 1 ستمبر سے نافذ العمل ہوں گی۔
جہاں ایک طرف کمرشل گیس سلنڈروں کی قیمتوں میں مسلسل کمی کی جا رہی ہے، وہیں 14 کلوگرام والے گھریلو ایل پی جی سلنڈر کی قیمتیں بدستور برقرار ہیں اور اس میں کسی قسم کی تبدیلی نہیں کی گئی ہے۔
آخری بار کب تبدیلی ہوئی تھی؟
14 کلو والے گھریلو گیس سلنڈر کی قیمت میں آخری مرتبہ 8 اپریل 2025 کو تبدیلی کی گئی تھی۔ اُس کے بعد سے لے کر اب تک قیمتیں جوں کی توں قائم ہیں۔
عوام کی امیدیں
کمرشل سلنڈروں کی قیمتوں میں تو کمی کی جا رہی ہے، مگر گھریلو یوزر اب بھی قیمتوں میں ریلیف کے منتظر ہیں۔ حکومت کی جانب سے فی الحال گھریلو سلنڈروں کی قیمتوں میں کوئی کمی نہیں کی گئی ہے، اور نہ ہی آئندہ کے لیے کوئی سرکاری اعلان سامنے آیا ہے۔
اہم بات یہ ہے کہ ایل پی جی سلنڈروں کی قیمتوں کا جائزہ ہر ماہ کی پہلی تاریخ کو کیا جاتا ہے
آئل کمپنیوں کی جانب سے ہر مہینے کی پہلی تاریخ کو ایل پی جی سلنڈر کی قیمتوں کا جائزہ لیا جاتا ہے اور اس کے بعد نئے نرخ جاری کیے جاتے ہیں۔ یہ نئی قیمتیں عالمی مارکیٹ میں کریڈ آئل کی بین الاقوامی قیمتوں، انڈین کرنسی (روپے) کی قدر اور دیگر بازار کی صورت حال کے مطابق مقرر کی جاتی ہیں اور فوراً پہلی تاریخ سے نافذ العمل ہو جاتی ہیں۔
19 کلوگرام والے ایل پی جی سلنڈر کی قیمتوں میں کمی کا اثر
19 کلوگرام والے ایل پی جی سلنڈر کی حالیہ قیمتوں میں کمی خاص طور پر ہوٹلز، ریسٹورنٹس، ڈھابوں اور دیگر تجارتی اداروں کے لیے بڑی راحت کا باعث ہے، کیونکہ یہ ادارے عام طور پر کمرشل گیس سلنڈر استعمال کرتے ہیں۔
مسلسل کم کی جا رہی ہیں قیمتیں
اگر صرف مارچ کے مہینے کو چھوڑ دیں تو 1 جنوری 2025 سے 19 کلوگرام والے کمرشل گیس سلنڈروں کی قیمتوں میں مسلسل کمی آ رہی ہے۔1 جنوری 2025 کو 14.50 روپے کی کمی کی گئی تھی۔اس کے بعد فروری 2025 میں 7 روپے کی کمی ہوئی۔لیکن 1 مارچ 2025 کو قیمتوں میں 6 روپے کا معمولی اضافہ کیا گیا۔1 اپریل 2025 کو بڑی کٹوتی کرتے ہوئے 19 کلوگرام والے سلنڈر کی قیمت میں 41 روپے کی کمی کی گئی۔اس کے بعد 1 مئی کو 14 روپے اور 1 جون کو 24 روپے کم کیے گئے۔
کٹوتی کے بعد آج سے نئے ریٹ
آئی او سی ایل کی ویب سائٹ پر اپ ڈیٹ کیے گئے نئے ریٹس کے مطابق:نئی دہلی میں 19 کلوگرام کا کمرشل گیس سلنڈر 1631.50 روپے سے کم ہو کر 1580 روپے کا ہو گیا ہے۔کلکتہ میں یہ سلنڈر پہلے 1734.50 روپے کا تھا، اب 1684 روپے میں دستیاب ہے۔ممبئی میں قیمت 1582.50 روپے سے کم ہو کر 1531.50 روپے رہ گئی ہے۔
چنئی میں ایک سلنڈر کی قیمت 1789 روپے سے کم ہو کر 1738 روپے کر دی گئی ہے۔
مزید کٹوتیاں:
1 جولائی 2025 کو 19 کلوگرام والے کمرشل گیس سلنڈر کی قیمت میں 58.50 روپے کی بڑی کمی کی گئی تھی۔اس کے بعد 1 اگست 2025 کو 33.50 روپے کی مزید کٹوتی ہوئی۔اور اب ایک بار پھر قیمتیں کم کر دی گئی ہیں۔صرف کمرشل سلنڈر کی قیمتوں میں تبدیلییہ واضح رہے کہ یہ قیمتیں صرف کمرشل (19 کلوگرام) گیس سلنڈروں کے لیے ہیں۔ گھریلو استعمال کے ایل پی جی سلنڈروں کی قیمتوں میں فی الحال کوئی تبدیلی نہیں کی گئی ہے۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
