وزیر اعظم نریندر مودی نے راشٹریہ سیویکا سمیتی کی پرمکھ سنچالیکا (چیف ڈائریکٹر) محترمہ پرمیلا تائی میڈھے کے انتقال پر گہرے رنج و غم کا اظہار کیا ہے۔ انھوں نے سماج اور قوم کی تعمیر میں اُن کی خدمات کو سراہتے ہوئے کہا کہ ان کی زندگی آئندہ نسلوں کے لیے، خصوصاً خواتین کی بااختیاری اور سماجی شمولیت کے میدان میں، ایک تحریک کا ذریعہ ہے۔
وزیر اعظم مودی نے سوشل میڈیا پلیٹ فارم ’ایکس‘ پر پوسٹ کرتے ہوئے پرمیلا تائی میڈھے جی کے انتقال پر اظہار افسوس کیا۔ انھوں نے لکھا کہ ’’راشٹریہ سیویکا سمیتی کی پرمکھ سنچالیکا محترمہ پرمیلا تائی میڈھے جی کی رحلت سے مجھے بہت دکھ ہوا ہے۔ ان کی پوری زندگی معاشرے اور قوم کی خدمت کے لیے وقف تھی۔ خواتین کو بااختیار بنانے کے ساتھ ساتھ سماجی کاموں میں ان کی انمول شراکت کو ہمیشہ یاد رکھا جائے گا۔ دکھ کی اس گھڑی میں ایشور ان کے اہل خانہ اور مداحین کو صبر دے۔ اوم شانتی!‘‘
राष्ट्र सेविका समिति की प्रमुख संचालिका रहीं श्रद्धेय प्रमिला ताई मेढ़े जी के देहावसान से अत्यंत दुख हुआ है। उनका संपूर्ण जीवन समाज और राष्ट्र सेवा को समर्पित रहा। महिला सशक्तिकरण के साथ-साथ सामाजिक कार्यों में उनके अमूल्य योगदान को सदैव याद किया जाएगा। ईश्वर शोक की इस घड़ी में…
— Narendra Modi (@narendramodi) July 31, 2025
واضح رہے کہ پرمیلا تائی میڈھے طویل عرصے سے راشٹریہ سیویکا سمیتی سے وابستہ تھیں، جو کہ خواتین کے لیے ایک نظریاتی، تربیتی اور سماجی تنظیم ہے اور جسے راشٹریہ سویم سیوک سنگھ (آر ایس ایس) کی خواتین ونگ کے طور پر دیکھا جاتا ہے۔ انھوں نے ہندوستانی تہذیب، ثقافت اور خواتین کی تعلیم و تربیت کے شعبے میں نمایاں کردار ادا کیا۔ ان کی قیادت میں سمیتی نے دیہی و شہری علاقوں میں خواتین کو خود کفیل بنانے کے لیے کئی منصوبے شروع کیے، جن میں تعلیم، صحت اور خود روزگار کے پروگرام شامل تھے۔ پرمیلا تائی نہ صرف ایک سرگرم سماجی کارکن تھیں بلکہ وہ ایک اعلیٰ منتظم بھی مانی جاتی تھیں جنھوں نے تنظیمی ڈھانچے کو مستحکم کیا اور ہزاروں خواتین کو قیادت کے لیے تیار کیا۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
