PIB Fact Check: سموسے اور جلیبی پر وارننگ نہیں لگائی جارہی، پی آئی بی فیکٹ چیک نے میڈیا رپورٹس کو فرضی قراردیا

نئی دہلی:  میڈیا کے کچھ حصوں میں یہ دعویٰ کیا گیا کہ ہندوستانی اسنیکس جیسے سیموسے، جلیبی، لڈو وغیرہ پر صحت سے متعلق وارننگ لیبل لگائے جائیں گے۔ اس دعوے کو پریس انفارمیشن بیورو (پی آئی بی) نے من گھڑت اور فرضی خبر قرار دیتے ہوئے وضاحت دی ہے کہ وزارت صحت کی جاری کردہ ایڈوائزری کسی خاص کھانے کو نشانہ نہیں بناتی بلکہ تمام کھانوں میں چھپی چکنائی اور اضافی شکر سے متعلق عام بیداری کے لیے ہے۔

Some media reports claim that the @MoHFW_INDIA has issued a health warning on food products such as samosas, jalebi, and laddoo.#PIBFactCheck

✅This claim is #fake

✅The advisory of the Union Health Ministry does not carry any warning labels on food products sold by vendors,… pic.twitter.com/brZBGeAgzs

— PIB Fact Check (@PIBFactCheck) July 15, 2025

پی آئی بی فیکٹ چیک کے آفیشل ’ایکس‘ (سابقہ ٹوئٹر) ہینڈل پر کہا گیا: “کچھ میڈیا رپورٹس میں دعویٰ کیا گیا کہ @MoHFW_INDIA نے سیموسے، جلیبی، لڈو جیسے کھانوں پر صحت کی وارننگ جاری کی ہے۔ یہ دعویٰ غلط ہے۔ وزارت صحت کی ایڈوائزری میں کسی بھی فوڈ آئٹم پر وارننگ لیبل لگانے کا ذکر نہیں ہے اور نہ ہی یہ خاص طور پر بھارتی اسنیکس کو نشانہ بناتی ہے۔” ایڈوائزری کے بارے میں مزید کہا گیا کہ یہ صرف عوامی شعور بیدار کرنے کا قدم ہے تاکہ لوگ زیادہ تیل اور چینی کے استعمال سے بچ سکیں اور صحت مند کھانے کی طرف راغب ہوں۔

وزارت صحت کی تجویز کیا ہے؟

وزارت صحت نے اسکولوں، دفاتر، سرکاری اداروں اور خودمختار تنظیموں میں تیل اور چینی کے استعمال کی مقدار سے متعلق بورڈ آویزاں کرنے کی تجویز دی ہے، تاکہ لوگ اپنی خوراک کے بارے میں باخبر فیصلے کر سکیں۔ اس میں پزا، برگر، سیموسہ، وڑاپاو، کچوری جیسے عام کھانوں کا حوالہ دیا گیا ہے، لیکن کسی خاص ثقافتی یا سڑک کنارے فوڈ آئٹمز کو نشانہ نہیں بنایا گیا۔ پی آئی بی کے مطابق: “یہ ایڈوائزری صرف صحت مند متبادل کو فروغ دینے اور بہتر طرز زندگی کو اپنانے کے لیے ہے، نہ کہ بھارت کی سڑکوں پر موجود امیر کھانوں کی ثقافت کو نشانہ بنانے کے لیے۔”

✅The general advisory is a behavioural nudge to make people aware of hidden fats and excess sugar in all food products, and not specifically to any particular food product.

The advisory is for healthier options and initiatives at workplaces and urges people to make healthier… pic.twitter.com/gD3f2XOeTF

— PIB Fact Check (@PIBFactCheck) July 15, 2025

یہ وضاحت اس وقت آئی ہے جب بعض اخبارات اور سوشل میڈیا پلیٹ فارمز پر یہ خبریں گشت کر رہی تھیں کہ حکومت عوامی مقامات پر فروخت ہونے والے روایتی کھانوں پر سخت وارننگ لگانے والی ہے، جس پر عوامی سطح پر ناراضگی دیکھی گئی تھی۔ پی آئی بی نے واضح کر دیا ہے کہ سیموسہ، جلیبی یا دیگر روایتی کھانوں پر کوئی صحت سے متعلق وارننگ لیبل نہیں لگائے جا رہے، اور وزارت صحت کی ایڈوائزری کا مقصد صرف عوام میں بہتر غذائی عادات پیدا کرنا ہے، نہ کہ کسی ثقافتی ورثے کو نشانہ بنانا۔

 بھارت ایکسپریس اردو۔