وزیر اعظم نریندر مودی نے اتوار کے روز کہا کہ حضرت امام حسین (علیہ السلام) کی دی گئی قربانی دین کے ساتھ اُن کی وابستگی کی عکاسی کرتی ہے۔ انہوں نے کہا کہ امام حسین (ع) ہمیں نامساعد حالات میں بھی حق اور سچائی کے راستے پر چلنے کی ترغیب دیتے ہیں۔
وزیر اعظم مودی نے اپنے سوشل میڈیا ہینڈل “ایکس” پر ایک پوسٹ میں کہا:”حضرت امام حسین (علیہ السلام) کی قربانی دین کے لیے اُن کی وابستگی کی یاد دلاتی ہے۔ وہ ہمیں مشکل حالات میں بھی سچائی کے راستے پر چلنے کے لیے حوصلہ دیتے ہیں۔”
The sacrifices made by Hazrat Imam Hussain (AS) emphasise his commitment to righteousness. He inspires people to uphold truth in the face of adversity.
— Narendra Modi (@narendramodi) July 6, 2025
محرم کی دس تاریخ (عاشورہ) اسلامی تاریخ میں ایک انتہائی دل سوز دن ہے، جو نبی کریم حضرت محمد ﷺ کے نواسے حضرت امام حسین (علیہ السلام) اور اُن کے جانثار ساتھیوں کی شہادت کی یاد دلاتا ہے۔
یہ دن ظلم کے خلاف جرات، قربانی اور استقامت کی علامت ہے۔ لاکھوں لوگ کربلا کی جنگ میں حق، دیانت اور عدل کے لیے جان دینے والوں کو خراجِ عقیدت پیش کرنے کے لیے جمع ہوتے ہیں۔
آج بروز اتوار پورے ملک میں 10 محرم منایا جا رہا ہے، جسے عاشورہ کہا جاتا ہے۔
محرم اسلامی کیلنڈر کا پہلا مہینہ ہے، اور دنیا بھر کے شیعہ مسلمان اس دن عوامی سوگ مناتے ہیں۔
محرم کی 10 تاریخ وہ دن ہے جب حضرت امام حسین (علیہ السلام) کو 680ء میں عراق کے شہر کربلا میں فرات کے کنارے یزید کی فوج نے شہید کر دیا تھا۔
امام حسین (ع) کے محصور اہلِ خانہ اور ساتھیوں کو پانی تک نہیں دیا گیا، حالانکہ اُن کے خیمے دریائے فرات کے قریب لگے ہوئے تھے۔ یہاں تک کہ چھ ماہ کے علی اصغر کو بھی یزید کی فوج نے پانی نہ دیا۔
امام حسین (ع) نے باطل کے سامنے جھکنے کے بجائے، حق پر قائم رہتے ہوئے خود، اپنے خاندان اور ساتھیوں کی قربانی کو ترجیح دی۔
شیعہ مسلمان جلوس نکال کر اور ماتم کر کے اس واقعے کو یاد کرتے ہیں، لیکن محرم کا غم شیعہ اور سنی دونوں مسلمانوں کے لیے یکساں طور پر مقدس اور قابلِ احترام ہے۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
