اترپردیش کے وزیر اعلیٰ یوگی آدتیہ ناتھ۔ (تصویر: اے این آئی)
اتر پردیش کے وزیر اعلی یوگی آدتیہ ناتھ نے اتوار کو اوریّا میں ’کسان سمّان سماروہ‘ سے خطاب کرتے ہوئے کسانوں کی مدد کے لیے حکومت کی کوششوں کو اجاگر کیا۔ انھوں نے زور دے کر کہا کہ وزیر اعظم نریندر مودی کے اقدامات کی بدولت 2014 سے کسان حکومت کے سیاسی ایجنڈے کا ایک اہم حصہ بن چکے ہیں۔ سی ایم یوگی آدتیہ ناتھ نے لکھنؤ سے اوریّا جاتے ہوئے مکئی کی فصل کا فضائی سروے بھی کیا۔
حکومت کی اسکیموں سے کروڑوں کسان اٹھا رہے ہیں فائدہ: سی ایم یوگی
اتر پردیش کے وزیر اعلیٰ یوگی آدتیہ ناتھ نے اس تقریب میں خطاب کرتے ہوئے کہ ’’آپ نے 2014 میں پہلی بار دیکھا ہوگا کہ کسان جو کھانا فراہم کرتا ہے وہ بھی حکومت کے سیاسی ایجنڈے کا حصہ بن سکتا ہے، جب پی ایم مودی نے سوائل ہیلتھ کارڈ اسکیم شروع کی تھی‘‘۔ اس کے علاوہ یوگی آدتیہ ناتھ نے کسانوں کے مستقبل کو محفوظ بنانے کے لیے مرکزی حکومت کے مختلف اقدامات پر روشنی ڈالی، جیسے کہ سوائل ہیلتھ کارڈ اسکیم؛ وزیراعظم کی زرعی آبپاشی اسکیم؛ فصلوں کی ناکامی کے خلاف وزیر اعظم کی زرعی بیمہ اسکیم اور وزیر اعظم کی کسان سمان ندھی اسکیم وغیرہ، جن سے ملک بھر کروڑوں کسان مستفید ہورہے ہیں۔
سی ایم یوگی نے نشان دہی کی کہ حکومت کی کوششوں کے مثبت نتائج سامنے آئے ہیں اور پی ایم کسان سمان ندھی دنیا کی سب سے بڑی براہ راست فائدہ کی منتقلی کی اسکیم کے طور پر ابھری ہے۔ اس اسکیم کے تحت کسانوں کے بینک کھاتوں میں 3.25 لاکھ کروڑ روپے سے زیادہ منتقل کیے گئے ہیں، جس سے کروڑوں کسانوں کو فائدہ پہنچا ہے۔ انھوں نے کہا ’’ملک کے 12 کروڑ کسان وزیر اعظم کی کسان سمان ندھی اسکیم سے مستفید ہوتے ہیں۔ یہ ڈبل انجن والی حکومت ریاست میں اپنے کسانوں کے مستقبل کو خوبصورت اور محفوظ بنانے کے لیے بھی کام کر رہی ہے۔ 2017 میں جب ہماری حکومت آئی، کسان خودکشی کر رہے تھے۔ کہیں بھی کوئی سہولت نہیں تھی۔‘‘
ہم نے 86 لاکھ سے زیادہ کسانوں کے قرض معاف کیے: یوگی آدتیہ ناتھ
یوگی آدتیہ ناتھ نے یہ بھی کہا کہ 2017 میں حکومت نے 86 لاکھ کسانوں کے لیے 36,000 کروڑ روپے کا قرض معافی پروگرام نافذ کیا تھا۔ انھوں نے کہا ’’2017 میں جب ہم آئے، سب سے پہلے ہم نے 86 لاکھ کسانوں کے لیے 36000 کروڑ روپے کے قرض معافی کے پروگرام کو آگے بڑھایا اور قرض معافی کے بعد ہم نے ریاست میں آبپاشی کی صلاحیت کو بڑھانے کے لیے وزیر اعظم کی زرعی آبپاشی اسکیم کا سہارا لیا۔‘‘
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
