تیجسوی یادو بیٹے کی نعمت سے سرفراز
نئی دہلی: راشٹریہ جنتا دل کے صدر لالو پرساد یادو پھر سے دادا بن گئے ہیں۔ ان کے بیٹے اور بہار کے سابق نائب وزیر اعلی تیجسوی یادو کو بیٹے کی نعمت ملی ہے۔ تیجسوی نے یہ خوشخبری ایک سوشل میڈیا پوسٹ کے ذریعے شیئر کی، جب کہ بہن روہنی آچاریہ نے بھتیجے ’جونیئر ٹوٹو‘ کا خیرمقدم کیا۔
تیجسوی کی سوشل میڈیا پوسٹ کو شیئر کرتے ہوئے، روہنی نے لکھا، ’’قابل فخر والدین، دادا دادی اور بہن کاتیانی کو بہت بہت مبارک ہو۔ ہمارے جونیئر ٹوٹو کو ڈھیروں پیار اور آشیر باد۔‘‘
اس سے پہلے ان کے بھائی تیجسوی نے ایکس اور فیس بک پر بچے کی تصویر کے ساتھ خبر دی۔ انہوں نے لکھا، ‘صبح بخیر! آخر کار انتظار ختم ہوا۔ اپنے چھوٹے بیٹے کی آمد کا اعلان کرتے ہوئے بہت شکر گزار، مبارک اور خوش ہوں۔ جئے ہنومان!
آر جے ڈی کے سوشل میڈیا پلیٹ فارم فیس بک پر بھی مبارکباد کا پیغام دیا گیا۔ پارٹی نے لکھا، ’’قائد حزب اختلاف تیجسوی کو بیٹے کی نعمت ملنے پر اور قومی صدر لالو یادو کو دوبارہ دادا بننے پر دلی مبارکباد۔ آر جے ڈی کے پورے خاندان کی طرف سے نیک تمناؤں کے ساتھ دل کی گہرائیوں سے مبارکباد اور نیک خواہشات! تیجسوی کی بہن روہنی آچاریہ نے اپنے بھائی اور بھابھی راج شری یادو کو مبارکباد دی۔ انہوں نے کاتیانی کو بھی مبارکباد دی۔ انہوں نے ‘X’ پر لکھا، ’’جونیئر ٹوٹو کو ڈھیر سارا پیار اور آشیرواد‘‘
بچے کی پیدائش کولکتہ کے ایک اسپتال میں ہوئی۔ تیجسوی یادو کا یہ دوسرا بچہ ہے۔ اس سے قبل 2023 میں ان کی بیٹی کی پیدائش ہوئی تھی، جس کا نام خاندان نے کاتیانی رکھا ہے۔ لالو خاندان میں سب سے چھوٹے تیجسوی یادو دو بار بہار کے نائب وزیر اعلیٰ رہ چکے ہیں۔ سیاست میں آنے سے پہلے تیجسوی کرکٹ کھیلا کرتے تھے۔ وہ آئی پی ایل ٹیم دہلی ڈیئر ڈیولز کا بھی حصہ رہ چکے ہیں اور فی الحال بہار اسمبلی میں راگھوپور سے ایم ایل اے ہیں۔
ان دنوں یادو خاندان گھریلو وجوہات کی وجہ سے خبروں میں ہے۔ 25 مئی کو، آر جے ڈی کے ایم ایل اے اور خاندان کے بڑے بیٹے تیج پرتاپ یادو کو پارٹی اور فیملی سے نکال دیا گیا تھا۔ آر جے ڈی سپریمو نے سوشل میڈیا پر ایک پوسٹ کے ذریعے یہ اعلان کیا تھا۔ تیج پرتاپ کو پارٹی سے چھ سال کے لیے معطل کر دیا گیا ہے۔
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
