سونو سود فائل فوٹو
نئی دہلی، 21 نومبر (بھارت ایکسپریس): سونو سود نے بڑا دل دکھا کر پرینکا کی مدد کی ہے۔ اداکار نے خود اپنے ٹویٹر ہینڈل کے ذریعے جانکاری دی ہے کہ اب گریجویٹ چائے والی کی دکان کوئی نہیں ہٹائے گا۔ انہوں نے ٹویٹ کیا، “پرینکا کی چائے کی دکان کے لیے جگہ کا بندوبست کر دیا گیاہے۔”
प्रियंका की चाय की दुकान के लिए जगह की व्यवस्था करवा दी है।
अब प्रियंका को वहां से कोई नहीं हटाएगा।
बिहार आकर जल्द आपके हाथ की चाय पीते हैं।जय हिन्द🇮🇳🙏 https://t.co/MIM1wu4CAr
— sonu sood (@SonuSood) November 20, 2022
فلموں میں اداکاری کے علاوہ سونو سود لوگوں کی مدد کرنے کے لیے بھی جانے جاتے ہیں۔ اداکار ہر ممکن طریقے سے کسی بھی ضرورت مند کی مدد کرنے کی کوشش میں مصروف رہتے ہیں۔ اب اداکار پریانکا گپتا کی مدد کے لیے آگے آئے ہیں، جنہیں بہارکی گریجویٹ چائے والی کے نام سے جانا جاتا ہے۔ حال ہی میں پریانکا کی ایک ویڈیو سامنے آئی تھی جس میں وہ رو رو کر انتظامیہ سے سوال کر رہی تھیں۔ اس ویڈیو کے منظر عام پر آنے کے بعد بھوجپوری اداکارہ اکشرا سنگھ نے ان کی حمایت میں آواز اٹھائی۔
ورک فرنٹ کی بات کریں تو سونو حال ہی میں فلم ’سمراٹ پرتھویراج‘ میں نظر آئے تھے۔ فلم میں وہ چندر بردائی کے کردار میں نظر آئے تھے۔ حالانکہ یہ فلم باکس آفس پر کامیاب نہیں ہو سکی۔ اس فلم کے بعد وہ جلد ہی فلم ’فتح‘ میں نظر آئیں گے۔ اس کے علاوہ وہ تامل فلم ‘تملارسن’ میں بھی کام کر رہے ہیں۔
