میرٹھ کے نوجوان کو پولیس نے کیا گرفتار
میرٹھ: پہلگام دہشت گردانہ حملے کے جواب میں ہندوستانی فوج نے ’آپریشن سندور‘ کے تحت ایک بڑا فوجی آپریشن شروع کیا اور پاکستان میں دہشت گردوں کے 9 ٹھکانوں کو تباہ کردیا۔ دونوں ممالک کے درمیان بڑھتی ہوئی کشیدگی کے درمیان میرٹھ کے ایک نوجوان کو سوشل میڈیا پر پاکستان کی حمایت میں کمنٹ کرنے کی بھاری پڑ گیا۔
اس معاملے میں کارروائی کرتے ہوئے پولیس نے سنگین دفعات کے تحت مقدمہ درج کرکے نوجوان کو گرفتار کرلیا۔ میرٹھ کے زید نامی نوجوان نے پاکستانی یوٹیوب کی پوسٹ پر قابل اعتراض تبصرہ کیا۔ کمنٹ باکس میں پاکستان کو ’صحیح‘ بتانے کے ساتھ ساتھ اس نے پاکستان کی حمایت میں نعرے بھی لگائے۔
نوجوان کے کمنٹ پر ہندو تنظیموں نے ہنگامہ کھڑا کر دیا۔ پولیس نے فوری کارروائی کرتے ہوئے نوجوان کو گرفتار کر لیا۔ ملزم کے خلاف تھانہ سول لائنز میں سنگین دفعات کے تحت مقدمہ درج کرکے مزید کارروائی کی جارہی ہے۔ ملزم سیلون میں کام کرتا ہے۔
کیس کی تفتیش کرنے والی پولیس نے میڈیا کو بتایا، ’’ایک نوجوان کی جانب سے انسٹاگرام اور دیگر سوشل میڈیا پلیٹ فارمز پر قابل اعتراض پوسٹ کی گئی تھی، عوام کی مدد سے پولیس نے ملزم نوجوان کو ٹریس کیا، اس کی سوشل میڈیا کی نقل و حرکت اور سرگرمی کا نوٹس لیتے ہوئے فوری کارروائی کی جا رہی ہے۔ متعلقہ سیکشنز کے تحت مقدمہ درج کرکے نوجوان کی گرفتاری کو بھی یقینی بنایا گیا ہے۔ پورے معاملے کی جانچ کی جا رہی ہے۔ اس کی ساری پوسٹ کی نگرانی کی جا رہی ہے۔‘‘
یہ بھی پڑھیں: آپریشن سندور پر پوری دنیا ہندوستان کے ساتھ! پاکستان کو اکسا رہے ہیں یہ 3 ممالک، کر رہے ہیں جنگ کی بات
قابل ذکر ہے کہ ہندوستانی فوج نے منگل کی رات 1.05 سے 1.30 کے درمیان دہشت گردوں کے 9 ٹھکانوں پر 24 میزائلوں سے حملہ کیا، جس میں مریدکے میں لشکر طیبہ کا ہیڈکوارٹر اور بہاولپور میں دہشت گردوں کے اہم ٹھکانے شامل تھے۔ یہ وہ مقامات ہیں جو دہشت گردی کی سرگرمیوں کا مرکز سمجھے جاتے ہیں۔ اس حملے کو ’آپریشن سندور‘ کا نام دیا گیا۔
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
