Pahalgam Terror Attack : شاہد آفریدی نے بھارتی فوج پر اٹھائے سوال تو، شیکھر دھون بولے کتنا نیچے اور گرو گے، بھول گئے کار گل جنگ

سابق بھارتی کرکٹر شیکھر دھون نے شاہد آفریدی کو نشانہ بنایا۔ دھون نے آفریدی کے اس بیان کی مذمت کی ہے ،جس میں پاکستانی کرکٹر نے 22 اپریل کو جموں و کشمیر کے پہلگام میں ہوئے دہشت گردانہ حملے کے لیے ہندوستانی فوج کو ذمہ دار ٹھہرایا تھا۔ اس حملے میں 28 افراد ہلاک ہوئے تھے۔

شیکھر دھون نے سوشل میڈیا پر ایک پوسٹ میں آفریدی سےجملوں  کی جنگ بند کرنے کی اپیل کی اور بھارتی فوج کی حمایت کرتے ہوئے کہا کہ ملک میں ہر کسی کو فوج پر فخر ہے۔

Kargil mein bhi haraya tha, already itna gire hue ho aur kitna giroge, bewajah comments pass karne se acha hai apne desh ki taraqqi mai dimag lagao @SAfridiOfficial. Humein hamari Indian Army par bohot garv hai. Bharat Mata Ki Jai! Jai Hind!https://t.co/5PVA34CNSe

— Shikhar Dhawan (@SDhawan25) April 28, 2025

شیکھر دھون کا یہ ردعمل آفریدی کے ایک پاکستانی ٹیلی ویژن چینل پر عجیب و غریب تبصرے کرنے کے  کچھ دنوں کےبعد آیا ہے، جس میں انہوں نے الزام لگایا تھا کہ سیکورٹی کی خامیوں کی وجہ سے ہندوستان میں دہشت گردی کا حملہ ہوا۔

سابق پاکستانی کرکٹر نے اس واقعے کی کوریج پر میڈیا کو بھی تنقید کا نشانہ بنایا اور بھارت سے دہشت گردی کے حملے میں پاکستان کے ملوث ہونے کے ثبوت مانگے تھے۔

شیکھر دھون نے کیا لکھا؟

ایکس (سابقہ ​​ٹویٹر) پر ایک پوسٹ میں شیکھر دھون نے کہا، “ہم نے آپ کو کارگل میں بھی شکست دی تھی۔ آپ پہلے ہی اتنے نیچے  گر چکے  ہیں، آپ کتنے نیچے  گریں گے؟ فضول تبصرے کرنے کے بجائے، بہتر ہے کہ آپ اپنے ملک کی ترقی کے لیے اپنا دماغ استعمال کریں آفریدی۔ ہمیں اپنی ہندوستانی فوج پر بہت فخر ہے۔ بھارت ماتا کی جے! جے ہند!”

آپ کو بتا دیں کہ 22 اپریل کو پہلگام میں ایک بڑا دہشت گردانہ حملہ ہوا تھا۔ اس حملے میں 28 شہری ہلاک ہوئے تھے۔ اس دہشت گردانہ حملے کی ذمہ داری پاکستان کی ایک دہشت گرد تنظیم نے قبول کی تھی۔ اس بزدلانہ حملے کے بعد دنیا بھر میں پاکستان کی مذمت کی جا رہی ہے۔ پی ایم مودی نے یہ بھی کہا ہے کہ دہشت گرد دنیا کے کسی بھی کونے میں کہیں بھی چھپے ہوں گے انہیں سزا دی جائے گی۔

بھارت  ایکسپریس اردو