نیشنل انویسٹی گیشن ایجنسی (این آئی اے) نے منگل کو پہلگام دہشت گردانہ حملہ کیس کی جانچ باضابطہ طور پر اپنے ہاتھ میں لے لی۔ اس حملے میں 28 معصوم سیاحوں کو بے دردی سے گولی مار دی گئی۔ یہ کارروائی مرکزی وزارت داخلہ (ایم ایچ اے) کے حکم کے بعد کی گئی ہے۔
این آئی اے کی ٹیمیں بدھ سے حملے کی جگہ پر ڈیرے ڈالے ہوئے ہیں اور اب شواہد اکٹھے کرنے کا عمل مزید تیز کر دیا گیا ہے۔ ایجنسی کے ایک آئی جی، ایک ڈی آئی جی اور ایک ایس پی کی نگرانی میں کام کرنے والی ٹیمیں ان عینی شاہدین سے باریک بینی سے پوچھ گچھ کر رہی ہیں/ جنہوں نے دلکش وادی بائسرن میں ہولناک حملے کو دیکھا۔
عینی شاہدین کے بیانات
عینی شاہدین کے بیانات کے ذریعے واقعے کی پوری کڑی کو جوڑنے کی کوشش کی جا رہی ہے، تاکہ اس ہولناک دہشت گرد حملے کی حقیقت سامنے لائی جا سکے۔
این آئی اے کی تفتیشی ٹیمیں دہشت گردوں کے طریقہ کار کا پتہ لگانے کے لیے علاقے کے داخلی اور خارجی راستوں پر مکمل چھان بین کر رہی ہیں۔فارنسک ماہرین اور دیگر تکنیکی ٹیموں کی مدد سے اس مذموم سازش کے پیچھے چھپے ہر سراغ سے پردہ اٹھانے کے لیے پورے علاقے کی گہرائی سے چھان بین کی جا رہی ہے۔ اس حملے نے پورے ملک کو ہلا کر رکھ دیا ہے۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
