ہندوستانی فضائیہ کے سربراہ ائیر چیف مارشل اے پی سنگھ لڑاکا طیارے تیجس بنانے والی کمپنی ہندوستان ایروناٹکس پر ناراض ہوگئے ہیں۔ ایئر چیف مارشل نے لڑاکا طیارے تیجس ایم کے ون اے کی فراہمی میں تاخیر پر برہمی کا اظہار کیا اور کہا کہ انہیں ایچ اے ایل پر بھروسہ نہیں ہے۔ ان کی ایک ویڈیو بھی سامنے آئی ہے۔
ایئر چیف مارشل نے لڑاکا طیاروں کی فراہمی میں تاخیر پر تشویش کا اظہار کیا ہے۔ ایرو انڈیا شو کے دوران طیارے کا معائنہ کرتے ہوئے انہوں نے ایچ اے ایل کے حکام سے کہا کہ فی الحال انہیں کمپنی پر کوئی بھروسہ نہیں ہے۔ایئر چیف مارشل اے پی سنگھ نے بنگلورو میں منعقدہ ایرو انڈیا 2025 کے آغاز میں ایچ اے ایل کے بارے میں یہ باتیں کہیں۔ کمپنی کے ساتھ ان کا غصہ ہلکے لڑاکا طیارے تیجس کی ڈیلیوری اور اپ گریڈ میں تاخیر کو لے کر ہے۔ انہوں نے کہا کہ آپ کو ہمارے تحفظات کو دور کرنا ہوگا، ہمیں مزید یقین دہانی کرائیں۔ اس وقت میں ایچ اے ایل پر بھروسہ نہیں کرتا جو کہ بہت غلط ہے۔ ایچ اے ایل کے حوالے سے فضائیہ کے سربراہ نے کہا کہ میں آپ کو بتا سکتا ہوں کہ ہماری ضروریات اور خدشات کیا ہیں۔
اے پی سنگھ نے کہاکہ ہر کوئی کہہ رہا ہے کہ یہ ہو جائے گا، ہم کیسے کریں گے؟ ایسا لگتا ہے کہ چیزیں مشن موڈ میں نہیں ہیں۔ ایچ اے ایل ہماری اپنی کمپنی ہے۔ ہم سب نے وہاں کام کیا ہے۔ میرے خیال میں ہم مشن موڈ میں نہیں ہیں۔ مجھ سے وعدہ کیا گیا تھا کہ جب میں فروری میں یہاں آوں تو ہمیں 11 Mk1A طیارے ملیں گے لیکن ابھی تک ایک بھی تیار نہیں ہے۔ یہ مذاق نہیں ہے، ہمیں اس نظام میں بڑی تبدیلی کی ضرورت ہے۔
‘#HAL Not In Mission Mode’: Video Shows IAF Chief telling its top brass
In the ongoing #AeroIndia2025, Indian Air Force (@IAF_MCC) Air Chief Marshal Amar Preet Singh, in a video of his six-minute conversation with Hindustan Aeronautics Limited (@HALHQBLR) chairman DK Sunil… pic.twitter.com/dO6Zdb2rtW
— Raksha Path (@rakshapath) February 11, 2025
دوسری جانب ایچ اے ایل نے اب اس معاملے میں ایک بیان جاری کیا ہے۔ ایچ اے ایل کے چیئرمین اور منیجنگ ڈائریکٹر ڈی کے سنیل نے کہا کہ میں یہ کہنا چاہوں گا کہ طیاروں کی ترسیل میں تاخیر سستی یا لاپرواہی کی وجہ سے نہیں ہے۔ اس میں کچھ تکنیکی مسائل تھے، جنہیں حل کر لیا گیا ہے۔ ایئر چیف مارشل کی تشویش جائز ہے۔ ایچ اے ایل میں مختلف سطحوں پر میٹنگیں ہو چکی ہیں اور جلد ہی طیارہ فراہم کر دیا جائے گا۔
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
