دہلی کمیشن برائے خواتین کی سابق چیئرپرسن اور عام آدمی پارٹی (اے اے پی) کی رکن پارلیمنٹ سواتی مالیوال نے ہفتہ کو دہلی اسمبلی انتخابات میں پارٹی کی شکست کے باوجود اپنی جیت کا جشن منانے کے لئے دہلی کے سبکدوش ہونے والے وزیر اعلیٰ آتشی پر تنقید کی۔ مالیوال نے سوشل میڈیا پلیٹ فارم ایکس پر آتشی کا ایک ویڈیو شیئر کیا اور کہا، ‘یہ کیسی بے شرمی ہے؟ پارٹی ہار گئی، سارے بڑے لیڈر ہار گئے اور آتشی مارلینا اس طرح جشن منا رہی ہیں؟
ویڈیو میں بی جے پی کے رمیش بدھوڑی کو 3,521 ووٹوں کے فرق سے شکست دے کر کالکاجی اسمبلی سیٹ جیتنے والی آتشی اپنے حامیوں کے ساتھ رقص کرتی نظر آرہی ہیں۔ آتشی ان چند وزراء اور عام آدمی پارٹی کے سینئر لیڈروں میں شامل ہیں جنہوں نے الیکشن جیتا ہے۔ کیونکہ پارٹی کے زیادہ تر بڑے لیڈر بشمول عام آدمی پارٹ یسپریمو اروند کیجریوال، منیش سسودیا، سوربھ بھردواج، سومناتھ بھارتی، راکھی برلن الیکشن ہار گئے۔
عام آدمی پارٹی دہلی میں ہار گئی، آتشی جشن منا رہی ہیں ۔
سواتی مالیوال نے کہا کہ، ‘آتیشی کو خود پر شرم آنی چاہیے۔ عام آدمی پارٹی دہلی میں اقتدار سے باہر ہے۔ اروند کیجریوال اور منیش سسودیا سمیت اعلیٰ قیادت انتخابات ہار گئی۔ آتشی کس چیز کا جشن منا رہی تھیں – عام آدمی پارٹی کی شکست؟ کیا وہ اروند کیجریوال اور منیش سسودیا کی شکست کا جشن منا رہی تھیں؟ دہلی میں عام آدمی پارٹی کے خلاف مہم چلانے کے معاملے پر مالیوال نے کہا، ‘لوگ ناراض تھے۔ دہلی کچرے کے ڈھیر میں تبدیل ہو چکا ہے۔ میں نے کسی پارٹی کے لیے انتخابی مہم نہیں چلائی۔ اروند کیجریوال اور آتشی اے سی کمروں میں پریس کانفرنس کر رہے ہیں۔ میں زمین پر کام کرتی رہی ہوں۔
عام آدمی پارٹی کیجریوال کی جاگیر نہیں ہے۔
جب ان سے پوچھا گیا کہ کیا آپ دہلی میں عام آدمی پارٹی کی شکست سے خوش ہیں؟ سواتی مالیوال نے کہا، ‘میں جذباتی ہوں کیونکہ اس نے مجھے جھوٹا کہا۔ اس نے مجھ پر حملہ کرنے کے لیے اپنی طاقت استعمال کی۔ اوپر والا نے اسے ایک عورت پر تشدد کرنے کی سزا دی ہے۔’ جب سواتی مالیوال سے عام آدمی پارٹی سے استعفیٰ نہ دینے کی وجہ پوچھی گئی تو انہوں نے کہا کہ ‘میں نے آپ کو 12 سال دیے ہیں، پارٹی اروند کیجریوال کی جائیداد نہیں ہے۔’
بی جے پی کو سی اے جی کی رپورٹ دہلی اسمبلی میں پیش کرنی چاہئے۔
سواتی مالیوال نے کہا کہ اروند کیجریوال جن لوک پال کی بات کرتے تھے، لیکن سی اے جی کی رپورٹ 2016 سے دہلی اسمبلی میں پیش نہیں کی گئی۔ انہوں نے کہا، ‘میں نئی حکومت سے سی اے جی کی رپورٹ کو ایوان میں پیش کرنے کی اپیل کرتا ہوں۔’ آپ کو بتاتے چلیں کہ دہلی اسمبلی انتخابات میں بی جے پی نے 48 سیٹیں جیت کر مکمل اکثریت حاصل کی ہے۔ وہیں عام آدمی پارٹی 22 سیٹوں پر سمٹ کر رہ گئی ہے۔ کانگریس مسلسل تیسری بار اپنا کھاتہ نہیں کھول پائی ہے۔
بھارت ایکسپریس
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
