چھتیس گڑھ کے گریا بند میں پولیس اور ماؤ نوازوں کے درمیان تصادم
نئی دہلی :چھتیس گڑھ کے گریا بند نامی علاقہ میں پولیس اورماؤ نوازوں کے درمیان تصادم جارہی ہے، ذرائع سے ملی اطلاع کے مطابق تصادم میں اب تک پندرہ ماؤ نواز ہلاک ہوچکے ہیں۔ بتایاجارہا ہے کہ مارے گئے 15 ماؤ نوازوں میں ایک کروڑ کا انعامی ماؤنواز بھی شامل ہے ۔ پولیس نے مقام وارادات سے بھاری مقدار میں اسلحہ بھی بر آمد کرنے میں کامیابی حاصل کی ہے ۔
سیکورٹی فورسز کی 10 ٹیمیں تھیں شامل
تصادم کے بعد کئے گئے سرچ آپریشن کے دوران دو ماؤ نوازوں کی لاشیں بھی ملی تھیں۔ تصادم کے دوران ایک فوجی جوان بھی زخمی ہوا تھا۔ زخمی جوان کو ایئر لفٹ کرا کر رائے پور لایا گیا۔ چھتیس گڑھ اور اڑیسہ کی انتظامیہ کی جانب سے تشکیل شدہ 10 ٹیمیں ماؤ نوازوں کے خلاف مہم چلارہی ہیں۔ پولیس اور ماؤ نوازوں کے درمیان ہوئے تصادم 15 ماؤ نوازوں کے مارے جانے کے علاوہ مزید ماؤ نوازوں کے ہلاک ہونے کا امکان ہے۔ مہلوک ماؤ نوازوں کی شناخت کی جارہی ہے ۔
ماؤ نوازوں سے متعلق اطلاع ملنے پر سیکورٹی فورسز کی کارروائی
اڑیسہ اورچھتیس گڑھ انتظامیہ کوکلہاڑی گھاٹ کے جنگل میں بڑی تعداد میں ماؤ نوازوں کی موجودگی کی اطلاع موصول ہوئی تھی۔ اطلاع ملنے کے بعد اڑیسہ اورچھتیس گڑھ پولیس نے مشترکہ طورپرماؤ نوازوں کے خلاف آپریشن شروع کیا۔ کلہاڑی گھاٹ ریزرو فوریسٹ کے گھنے جنگلات میں سیکورٹی فورسز کی جانب سے ماؤنوازوں کے خلاف اب تک کا سب سے بڑا آپریشن جاری ہے ۔
بھارت ایکسپریس
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
