گیٹ وے آف انڈیا سے ایلیفنٹہ جانے والی کشتی پلٹی
ممبئی: ممبئی کے گیٹ وے آف انڈیا سے ایلیفنٹہ جانے والی کشتی کرنجا کے اوران میں پلٹ گئی۔ اس حادثے میں 101 کو بحفاظت بچا لیا گیا ہے اور 13 لوگوں کی موت ہو چکی ہے۔ ہلاک ہونے والے 13 افراد میں 10 عام شہری اور 3 نیوی کے اہلکار ہیں۔ حالانکہ، ابھی تک کشتی میں سوار مسافروں کی صحیح تعداد معلوم نہیں ہو سکی ہے۔ بحریہ، جے این پی ٹی، کوسٹ گارڈ، یلو گیٹ پولیس اسٹیشن کی 3 کشتیوں اور مقامی ماہی گیروں کی مدد سے جائے وقوعہ پر ریسکیو اور ریلیف آپریشن جاری ہے۔
مہاراشٹر کے سی ایم دیویندر فڈنویس کا کہا، ’’ممبئی کے قریب، بچر آئی لینڈ پر، تقریباً 3.55 بجے بحریہ کی ایک کشتی ’نیلکمل‘ مسافر بردار جہاز سے ٹکرا گئی۔ شام 7.30 بجے تک کی اطلاع کے مطابق 101 کو بحفاظت بچا لیا گیا ہے اور 13 لوگوں کی موت ہو چکی ہے۔ ہلاک ہونے والے 13 افراد میں 10 عام شہری اور 3 نیوی کے اہلکار ہیں۔ شدید زخمی دو افراد کو نیوی اسپتال میں داخل کرایا گیا ہے۔ 11 کرافٹ اور 4 ہیلی کاپٹروں کا استعمال کرتے ہوئے بحریہ، کوسٹ گارڈ اور پولیس نے امدادی کارروائیاں انجام دیں۔ مزید لاپتہ افراد کے بارے میں حتمی معلومات کل صبح دستیاب ہوں گی۔ سوگوار خاندانوں کو سی ایم ریلیف فنڈ سے 5 لاکھ ایکس گریشیا دیے جائیں گے۔ پورے واقعے کی تحقیقات پولیس اور بحریہ کرے گی۔‘‘
#WATCH | Mumbai Boat Accident | Maharashtra CM Devendra Fadnavis says, “Near Mumbai, at the Butcher Island, a Navy boat collided with ‘Neelkamal’ passenger vessel at around 3.55 pm. As per the information till 7.30 pm, 101 have been rescued safely and 13 people have died. Among… pic.twitter.com/9hnAeeGpJD
— ANI (@ANI) December 18, 2024
واقعے کی ایک ویڈیو بھی منظر عام پر آئی ہے جس میں دیکھا جا سکتا ہے کہ کشتی آہستہ آہستہ پانی میں ڈوب رہی ہے۔ لوگوں کو لائف جیکٹس پہن کر دوسری کشتیوں میں منتقل کیا جا رہا ہے۔
بھارت ایکسپریس۔
