امریکہ کے صدارتی انتخاب میں شاندار کامیابی حاصل کرکے دوسری بار وائٹ ہاوس پہنچ رہے ڈونالڈ ٹرمپ نے انتخابی نتائج سامنے آنے کے بعد اپنی عوام سے خطاب کیا ہے۔اپنی واچ پارٹی کے ساتھ انہوں نے اس خوشی کے لمحے کو جشن میں بدل دیا اور عوام کے ساتھ ساتھ پارٹی کارکنان کا بھی شکریہ ادا کیا۔ اس جشن میں اسٹیج پر ان کے ساتھ ان کی اہلیہ میلانیا، ان کے بچے، سینیٹر جے ڈی وانس آف اوہائیو اور ان کی اہلیہ اوشا شامل رہیں۔
#WATCH | West Palm Beach, Florida | Republican presidential candidate #DonaldTrump says, “This is a political victory that our country has never seen before, nothing like this. I want to thank American people for the extraordinary honour of being elected your 47th President and… pic.twitter.com/1imTQrRpUL
— ANI (@ANI) November 6, 2024
اس موقع سے خطاب کرتے ہوئے ٹرمپ نے ایک طرف جہاں عوام کا دل کی گہرائیوں سے شکریہ ادا کیا وہیں ٹرمپ نے وعدہ کیا کہ “امریکہ کو ٹھیک کرنے کیلئے پوری لگن کے ساتھ کام کریں گے۔ انہوں نے مزید کہا کہ وہ سرحد بند کرنے جا رہے ہیں۔ٹرمپ نے کہا کہ ہم نے سب سے ناقابل یقین سیاسی چیز، سیاسی فتح حاصل کی ہے، جو ہمارے ملک نے پہلے کبھی نہیں دیکھی تھی – ایسا کچھ بھی نہیں پہلے دیکھا گیا تھا۔ٹرمپ کا کہنا ہے کہ انتخابی نتائج نے انہیں “محبت کا زبردست احساس” دیا اور دعویٰ کیا کہ قوم نے انہیں “ایک طاقتور مینڈیٹ” دیا ہے۔
انہوں نے وعدہ کیا کہ وہ اس وقت تک آرام نہیں کریں گے جب تک کہ ہم مضبوط محفوظ اور خوشحال امریکہ نہیں بنا دیتے۔ہر ایک دن،میں اپنے جسم میں ہر سانس کے ساتھ آپ کے لیے لڑوں گا۔ریلی کی تقریر کی طرح، ٹرمپ نے اپنے پیغام سے ایلون مسک اور ان کے راکٹوں کی بھرپور تعریف کی، اور مسک کی جانب سے طوفان ہیلین کے بعد شمالی کیرولائنا کو اسٹار لنک فراہم کرنے کے بارے میں بات کی۔انہوں نے اس موقع سے ایلن مسک کی جم کرتعریف کی۔انہوں نے یہ بھی کہا کہ امریکہ کی عوام نے ایک بارپھر مجھے سب سے بڑی ذمہ داری دی ہے ۔ دنیا میں سب سے بڑی ذمہ داری امریکہ کا صدر ہونا ہے اور میں اپنے تمام وعدوں کو عملی جامہ پہناتے ہوئے امریکہ کو محفوظ اور خوشحال بنائے رکھنے کی پوری کوشش کروں گا۔
بھارت ایکسپریس۔
