![](https://urdu.bharatexpress.com/wp-content/uploads/2023/02/Delhi-Wheather-8.jpg)
شمالی ہندوستان میں ہیٹ ویو کی پیش گوئی، پریاگ راج ملک کا سب سے گرم شہر رہا، جانئےاپنے شہر کا موسم
Weather Update: ہندوستان کے محکمہ موسمیات (آئی ایم ڈی) نے بتایا ہے کہ شمال مغربی، وسطی اور مشرقی ہندوستان میں اگلے پانچ دنوں میں زیادہ سے زیادہ درجہ حرارت معمول سے تین سے پانچ ڈگری زیادہ رہنے کی توقع ہے۔ ملک کے کئی حصوں میں پہلے ہی زیادہ درجہ حرارت ریکارڈ کیا جا رہا ہے جو عام طور پر مارچ کے پہلے ہفتے میں ریکارڈ کیا جاتا ہے۔ اس سال شدید گرمی اور گرمی کی لہر کے خدشات بڑھ گئے ہیں۔
دیس کے کئی شہروں میں موسم کی آنکھ مچولی جاری ہے۔ کہیں دھوپ میں حد سے زیادہ شتد تو کہیں بارش اور برف باری کی صورت حال بنی ہوئی ہے۔ دوسری طرف، قومی دارالحکومت دہلی میں ہفتہ کو موسم صاف رہے گا زیادہ سے زیادہ درجہ حرارت 31 اور کم سے کم درجہ حرارت 11 ڈگری تک رہ سکتا ہے۔ 26 فروری کو زیادہ سے زیادہ درجہ حرارت 32 ڈگری تک پہنچ سکتا ہے۔ 26 فروری سے پنجاب، ہریانہ، دہلی، مغربی اتر پردیش اور شمالی راجستھان میں زیادہ سے زیادہ درجہ حرارت میں 2 سے 3 ڈگری کا
اضافہ متوقع ہے۔
دہلی این سی آر سمیت شمالی ہندوستان میں خوفناک گرمی پڑنے والی ہے۔ یوپی، ایم پی، راجستھان، پنجاب، ہریانہ وغیرہ میں فروری میں نہ کے برابر بارش ہوئی ہے۔ نجی موسم ایجنسی اسکائی میٹ کے مطابق اس بار گرمی جلدی شروع ہوئی ہے۔ مارچ کے مہینہ شدید گرمی رہنے والی ہے۔
اس کے علاوہ 27 اور 28 فروری کو درجہ حرارت 31 ڈگری رہے گا۔ وارانسی میں فروری کی گرمی نے 40 سال پرانا ریکارڈ توڑ دیا ہے۔ وہاں فروری میں ہی درجہ حرارت 35 ڈگری کو پار کر چکا ہے۔
اتراکھنڈ کے کئی اضلاع میں بارش اور برفباری کا امکان
اتراکھنڈ میں محکمہ موسمیات نے اگلے چار دنوں تک دن اور رات کے درجہ حرارت میں 18 یا اس سے زیادہ ڈگری کے فرق کی پیش گوئی کی ہے۔ اس کے ساتھ ہی کئی اضلاع میں بارش اور برفباری کا بھی امکان ظاہر کیا گیا ہے۔
گجرات، مہاراشٹر اور مدھیہ پردیش میں درجہ حرارت بڑھ سکتا ہے
27 فروری سے مہاراشٹر، گجرات اور مدھیہ پردیش کا زیادہ سے زیادہ درجہ حرارت بڑھ سکتا ہے۔ ایک تازہ مغربی ڈسٹربنس 25 فروری کو مغربی ہمالیہ تک پہنچ سکتا ہے۔ اروناچل پردیش میں گزشتہ 24 گھنٹوں کے دوران ہلکی سے درمیانی بارش اور برف باری ہوئی۔