گوتم گمبھیر کی ٹرک ڈرائیور سے ہوئی لڑائی ،پکڑ لیا تھا گریبان ، بھارتی ٹیم کے اس کھلاڑی نے کیا انکشاف
ہندوستانی ٹیم کے کوچ گوتم گمبھیر کے غصے سے سبھی واقف ہیں۔ انہیں کئی بار میدان میں لڑتے دیکھا گیا ہے۔ میدان سے باہر بھی اس کی عادت بنی رہتی ہے۔ اس حوالے سے ٹیم انڈیا کے سابق اوپنر آکاش چوپڑا نے ایک دلچسپ انکشاف کیا ہے۔ آکاش چوپڑا اور گوتم ڈومیسٹک کرکٹ میں دہلی کے لیے کھیلتے تھے۔ ۔ آکاش چوپڑا نے بتایا کہ گوتم گمبھیر کی ٹرک ڈرائیور سے لڑائی ہوئی تھی۔
آکاش چوپڑا نے راج سامانی کے پوڈ کاسٹ پر گوتم گمبھیر کے ساتھ اپنے تعلقات اور ان کے ساتھ کھیلنے کے بارے میں کھل کر بات کی۔ انہوں نے یہ بتانے میں کوئی جھجک محسوس نہیں کی کہ دونوں دوست نہیں ہیں۔ اس کے علاوہ انہوں نے دہلی کے ڈریسنگ روم میں ہونے والے کچھ واقعات کے بارے میں بتایا۔ اس دوران آکاش چوپڑا نے ایک واقعہ کو یاد کرتےہوئے بتایا کہ گوتم گمبھیر نے ایک ٹرک ڈرائیور سے لڑائی کرلی تھی اور اس کا کالر پکڑ لیا تھا۔
اس کی وجہ سے گمبھیر کا ٹرک ڈرائیور سے ہوا جھگڑا
Aakash Chopra recalls when Gautam Gambhir fought with a truck driver.#AakashChopra #GautamGambhir #CricketTwitter pic.twitter.com/ewbg9h4vEM
— InsideSport (@InsideSportIND) September 16, 2024
سابق اوپنر آکاش چوپڑا نے گوتم گمبھیر کا قصہ بتایا کہ گوتم گمبھیر بھی دہلی کے عام لڑکوں کی طرح ہی تھے، جو کسی بھی معاملے پر لڑنے کے لیے تیار رہتے ہیں۔ ایک پوڈ کاسٹ پروگرام میں آکاش چوپڑا نے گمبھیر کے اس قصہ کے بارے میں بات کی اور اس سے جڑا ایک واقعہ بھی سنایا۔ آکاش چوپڑا نے کہا کہ گوتم گمبھیر دہلی میں کئی بار بتاتے تھے کہ ان کی ایک بار ٹرک ڈرائیور سے لڑائی ہوئی تھی۔ چوپڑا نے مزید کہا کہ گمبھیر نے یہ اس لیے کیا کیونکہ ٹرک ڈرائیور نے ان کی گاڑی کو اوور ٹیک کیا اور گالی گلوچ کی جس کے بعد گمبھیر نے گاڑی روکی اور ٹرک پر چڑھ گئے اور ڈرائیور کا کالر پکڑ لیا۔
گمبھیر کے ساتھ ہمیشہ میرا مقابلہ رہا
آکاش چوپڑا نے یہ بھی کہا کہ انہوں نے گمبھیر کو یہ بھی بتایا کہ ان کے انداز نے انہیں اس قد کا کھلاڑی اور انسان بنا دیا۔ یہی نہیں چوپڑا نے یہ بھی بتایا کہ دہلی کی ٹیم میں جگہ بنانے کے لیے ان کے اور گمبھیر کے درمیان ہمیشہ مقابلہ رہتا تھا۔ دونوں اوپننگ سلاٹ کے لیے دعویٰ کر رہے تھے اور ایسی صورت حال میں دونوں کے درمیان ہمیشہ سخت مقابلہ رہتا تھا اور دوستی کم تھی۔ آکاش چوپڑا نے یہ بھی کہا کہ گمبھیر کا تعلق ایک اچھے اور امیر گھرانے سے ہے، لیکن اس کے باوجود انہوں نے ہمیشہ کھیل کے لیے اپنا جنون برقرار رکھا اور پورا دن میدان میں محنت کرتے تھے۔
بھارت ایکسپریس
