نااہل قرار دیے جانے کے بعد ونیش پھوگاٹ کی بگڑی طبیعت، انہیں اسپتال میں کرایا گیا داخل،صحت سے متعلق اپ ڈیٹ
پیرس اولمپکس سے ونیش پھوگاٹ کی نااہلی کے تناظر میں وزیر اعظم نریندر مودی نے صورتحال کا جامع جائزہ لینے کے لیے آئی او اے کی صدر پی ٹی اوشا سے رابطہ کیا ہے۔ ذرائع کے مطابق پی ایم مودی نے پی ٹی اوشا سے موجودہ حالات کے بارے میں ابتدائی رپورٹ کی معلومات کی درخواست کی اور ان سے اس مسئلے کو حل کرنے کے لیے تمام دستیاب آپشنز تلاش کرنے پر زور دیا۔ انہوں نے پی ٹی اوشا کو یہ بھی مشورہ دیا کہ وہ ونیش پھوگاٹ کی نااہلی کے حوالے سے سخت احتجاج درج کریں اگر اس سے ان کے کیس کو ممکنہ طور پر فائدہ ہو سکتا ہے۔
2024 کے پیرس اولمپکس میں گولڈ میڈل کی دعویدار سمجھی جانے والی ہندوستان کی اسٹار ریسلر ونیش پھوگاٹ کو زیادہ وزن کی وجہ سے نااہل قرار دے دیا گیا ہے۔ اب خبر آئی ہے کہ ونیش پھوگاٹ کی طبیعت بگڑ گئی ہے۔ انہیں اسپتال میں داخل کرایا گیا ہے۔
پانی کی کمی کی وجہ سے ونیش پھوگاٹ کو کسی اسپتال میں نہیں بلکہ کھیل گاؤں کے اندر پولی کلینک میں داخل کرایا گیا تھا۔ یہ بھی اطلاع ملی ہے کہ کوئی سیریس معاملہ نہیں ہے۔ انہیں جلد ہی ڈسچارج بھی کیا جا سکتا ہے۔
آپ کو یہ جان کر حیرت ہوگی کہ ونیش پھوگاٹ کا وزن 100 گرام بڑھ گیا تھا ،جس کی وجہ سے انہیں پیرس اولمپکس سے نااہل قرار دیا گیا تھا۔ سبھی کو ونیش پھوگاٹ سے گولڈ میڈل کی امید تھی۔ کل رات انہوں نے سیمی فائنل میں شاندار جیت درج کرائی تھی۔ شاندار کارکردگی کا مظاہرہ کرنے والے ونیش پھوگاٹ سے گولڈ میڈل کی پوری امیدیں تھیں۔ اب ان کی نااہلی کے بعد شائقین کی امیدوں پر پانی پھر گیا۔
Stop this conspiracy theory. Gagan Narang, Dinshaw Pardiwala, her husband, physios , medical staff, IOA officials, people back in India, OGQ they worked through the night to cut her weight. Dr Pardiwala even said we cannot endanger her life. @WIONews
— Digvijay Singh Deo (@DiggySinghDeo) August 7, 2024
اہل خانہ نے سازش کا شبہ ظاہر کیا
ونیش پھوگٹ کی نااہلی کے بعد ان کے اہل خانہ نے حکومت اور سابق بھارتی ریسلنگ فیڈریشن کے صدر برج بھوشن شرن سنگھ پر سنگین الزامات عائد کیے تھے۔ انہوں نے کہا کہ اس میں حکومت اور برج بھوشن شرن سنگھ کا ہاتھ ہے۔ ہم آپ کو بتاتے ہیں کہ ونیش نے دوپہر 12:30 بجے 08 اگست کو فائنل میچ کھیلنا تھا۔ فائنل میچ میں ونیش کا مقابلہ امریکہ کی سارہ این ہلڈیبرانڈ سے ہونا تھا۔
جانیں کہ آپ اب بھی سیلور یا برونزکا میڈل مل پائیں گا؟
قواعد کے مطابق نااہل ہونے کے بعد اب پہلوان ونیش پھوگاٹ پیرس اولمپکس 2024 میں کوئی میڈل نہیں جیت پائیں گی۔ اس کا مطلب ہے کہ فائنل میں پہنچنے کے باوجود ونیش کو بغیر میڈل کے گھر لوٹنا پڑے گا۔ واضح رہے کہ فائنل میں پہنچنے کے باوجود گولڈ حاصل کرنا چھوڑ دیں، اب ونیش پھوگاٹ کو سیلوراور برونز کا میڈل بھی کھونا پڑا ہے۔
بھارت ایکسپریس
