ترکی- شام میں زلزلہ متاثرین کے لئے راحت بچاؤ کام کے لئے این ڈی آر ایف کی ٹیمیں روانہ کی گئی ہیں۔
دہلی سے متصل یوپی کے غازی آباد میں ٹریننگ یافتہ ڈاگ اسکواڈ اور ضروری آلات کے ساتھ این ڈی آرایف کی ٹیمیں ہنڈن ایئرپورٹ سے ترکی کے زلزلہ متاثرہ علاقے میں تلاشی کاموں کے لئے روانہ ہوگئیں۔ این ڈی آرایف کے ڈی آئی جی آپریشن اور ٹرینر محسن شاہدی نے بتایا کہ ترکی اور شام میں خطرناک زلزلہ آنے سے کئی لوگوں کی موت ہوگئی ہے۔ اس کو دیکھتے ہوئے ہندوستانی حکومت نے این ڈی آرایف کی 2 ٹیمیں وہاں بھیجنے کا فیصلہ لیا ہے۔
ہندوستان نے پیر کے روز کہا کہ وہ بحران کی اس گھڑی میں ترکی کے مدد کے لئے تیار ہے۔ خطرناک زلزلہ پرتشویش اورافسوس کا اظہار کرتے ہوئے وزیراعظم نریندر مودی نے کہا کہ ہندوستان کے 140 کروڑ لوگ ترکی میں زلزلہ کے متاثرین کے ساتھ ہیں۔
#WATCH उत्तर प्रदेश: प्रशिक्षित डॉग स्क्वॉड और आवश्यक उपकरणों के साथ NDRF की टीम गाज़ियाबाद के हिंडन हवाई अड्डे से तुर्की के भूकंप प्रभावित क्षेत्र में खोज कार्यों के लिए रवाना हुई।#TurkeyEarthquake pic.twitter.com/dz3vplXffx
— ANI_HindiNews (@AHindinews) February 7, 2023
وزارت خارجہ نے کہا کہ وزیراعظم مودی کے ترکی میں زلزلہ سے نمٹنے کے لئے ہرممکن مدد دینے کے لئے وزیراعظم کے پرنسپل سکریٹری پی کے مشرا نے فوری امدادی اقدامات پر تبادلہ خیال کے لئے میٹنگ کی۔ میٹنگ میں کہا گیا کہ خصوصی طور پر تربیت یافتہ ڈاگ اسکواڈ اور ضروری آلات کے ساتھ 100 ملازمین والی این ڈی آر ایف کی دو ٹیمیں تلاشی اوربچاؤ کاموں کے لئے ترکی جانے کے لئے تیار ہیں۔ ضروری دواؤں کے ساتھ تربیت یافتہ ڈاکٹروں اور پیرامیڈکس کے ساتھ میڈیکل ٹیمیں بھی تیار کی جارہی ہیں۔ راحتی اشیاء ترکی حکومت کے ساتھ مل کر بھیجی جائے گی۔
#TurkeyEarthquake | Last night, an Indian Air Force C-17 left for Turkey with search & rescue teams of the National Disaster Response Force (NDRF). This aircraft is part of a larger relief effort that will be undertaken by the IAF along with other Indian organisations: IAF pic.twitter.com/bLbn5SbHcP
— ANI (@ANI) February 7, 2023
واضح رہے کہ ترکی-شام سرحدی علاقے میں پیر کی صبح خطرناک زلزلہ آیا، جس کا ریکٹر اسکیل پر 7.8 تھا۔ اس شدت کے زلزلے کے سبب 4000 سے زائد افراد ہلاک ہوئے ہیں۔ ترکی میں تازہ اعدادوشمار کے مطابق، تقریباً 2900 افراد ہلاک ہوئے ہیں جبکہ شام میں 1300 سے زائد افراد کے ہلاک ہونے کی تصدیق ہوچکی ہے۔ دونوں ممالک میں بڑے پیمانے پرتباہی ہوئی ہے، جس میں ایندھن پائپ لائنوں اورتیل رفائنریوں میں آتشزدگی شامل ہے۔ جیسے ہی بچاؤ ٹیمیں سرد موسم میں منہدم عمارتوں کے ملبے کے نیچے سے پھنسے لوگوں کونکالنے اور متاثرین کے لئے بازآباد کاری کے کاموں میں مصروف ہوئے، ایک اور بڑا زلزلہ، جس کی شدت 7.5 ریکٹراسکیل تھا، نے اسی علاقے کو ہلاکر رکھ دیا۔ اس کے بعد درجنوں جھٹکے محسوس کئے گئے۔
-بھارت ایکسپریس
