Flood situation continues to be grim in Odisha: اڈیشہ میں شدید بارش کے بعد سیلاب کا خطرہ، 70 ہزار سے زائد افراد محفوظ مقامات پر منتقل
اس دوران محصولات اور ڈیزاسٹر مینجمنٹ کے وزیر سریش پجاری نے بتایا کہ آبی ذخیرے سے اضافی پانی نکالنے کے لیے ہفتہ کو ہیرا کُڈ ڈیم کے مزید 11 گیٹ کھولے گئے۔ انہوں نے کہا کہ اب تک مجموعی طور پر 16 گیٹ کھولے جا چکے ہیں۔ایک سینئر افسر نے بتایا کہ چھتیس گڑھ میں مہاندی کے بالائی آبی کیچمنٹ علاقے میں شدید بارش کی وجہ سے مزید گیٹ کھولنے پڑے ہیں۔ فی الحال ڈیم میں پانی کی سطح 629.56 فٹ ہے، جبکہ مکمل آبی ذخیرے کی سطح 630 فٹ ہے۔
