Bharat Express DD Free Dish

Class 10 Results

رپورٹ کے مطابق اس سال پنجاب بورڈ کے دسویں جماعت کے امتحان میں مجموعی طور پر 2 لاکھ 69 ہزار 505 طلبہ شریک ہوئے، جن میں 1 لاکھ 27 ہزار 753 طالبات اور 1 لاکھ 41 ہزار 746 طلبہ شامل تھے۔ جاری کردہ رزلٹ کے مطابق مجموعی طور پر 2 لاکھ 54 ہزار 744 طلبہ کامیاب قرار پائے۔ ان میں 1 لاکھ 22 ہزار 595 طالبات اور 1 لاکھ 32 ہزار 143 طلبہ شامل ہیں۔

بورڈ کے مطابق دسویں جماعت کے امتحانات 13 مارچ سے 9 اپریل تک منعقد ہوئے، جو کل 20 دنوں پر محیط تھے۔ یہ امتحانات ریاست بھر کے 32 مختلف مراکز پر منظم طریقے سے منعقد کیے گئے، جہاں طلبہ نے مختلف مضامین میں اپنی صلاحیتوں کا مظاہرہ کیا۔

اگر کسی طالب علم کو اپنے نتائج پر شک ہو تو وہ اسکرُوٹنی کے لیے درخواست دے سکتا ہے۔ اس عمل کے تحت جوابی کاپی کی دوبارہ جانچ نہیں ہوتی بلکہ صرف نمبروں کے مجموعے اور اندراج کی تصدیق کی جاتی ہے تاکہ کسی ممکنہ غلطی کو درست کیا جا سکے۔

نتائج کے اعلان کے بعد جھارکھنڈ کے وزیراعلیٰ ہیمنت سورین نے تمام کامیاب طلبہ، ان کے والدین اور اساتذہ کو مبارکباد پیش کی۔ انہوں نے اپنے پیغام میں کہا کہ جو طلبہ اپنی توقعات کے مطابق نتائج حاصل نہیں کر سکے، وہ مایوس نہ ہوں بلکہ مزید محنت کے ساتھ آگے بڑھیں۔

تہرین فاطمہ نے بتایا کہ سوشل میڈیا سے دوری بنا کر اور اسکول کے اساتذہ سے ملی رہنمائی و این سی ای آر ٹی کی کتابیں پڑھ کر یہ کامیابی حاصل کی ہے۔ وہ رانچی واقع اُرسلائن کانوینٹ اسکول کی طالبہ ہیں۔