Massive Earthquake Hits The Philippines: فلپائن میں تباہ کن زلزلہ، 7.8 شدت کے جھٹکوں سے عمارتیں زمین بوس، 32 افراد ہلاک، 200 سے زائد زخمی، سونامی کی وارننگ
فلپائن پیر کی صبح ایک شدید اور ہولناک زلزلے سے لرز اٹھا جس نے ملک کے جنوبی علاقوں میں بڑے پیمانے پر تباہی مچا دی۔ امریکی جیولوجیکل سروے کے مطابق ریکٹر اسکیل پر زلزلے کی شدت 7.8 ریکارڈ کی گئی، جسے گزشتہ تین دہائیوں کے دوران فلپائن میں آنے والے طاقتور ترین زلزلوں میں شمار کیا جا رہا ہے۔ اس قدرتی آفت کے نتیجے میں کم از کم 32 افراد ہلاک جبکہ 200 سے زائد زخمی ہو گئے ہیں۔
