ہندوستان نے انڈر 19 ایشیا کپ 2026 کے 11ویں مقابلے میں یو اے ای کو 70 رنز سے شکست دے کر سیمی فائنل میں جگہ بنا لی ہے۔ آریہ ویر سہواگ نے 160 رنز کی شاندار اننگز کھیلی۔ سیمی فائنل 2 میں 12 نومبر کو ہندوستان کا مقابلہ افغانستان سے ہوگا، جبکہ سیمی فائنل 1 میں پاکستان اور بنگلہ دیش آمنے سامنے ہوں گے۔
آریہ ویر سہواگ اور وی کے ونیت کی شاندار شراکت
الامارات کرکٹ گراؤنڈ (منسٹری ٹرف 2) میں ہندوستان نے ٹاس ہارنے کے بعد پہلے بلے بازی کی۔ کپتان لکشے رائے چندانی نے آریہ ویر کے ساتھ پہلی وکٹ کے لیے 83 گیندوں میں 62 رنز جوڑے۔ لکشے 32 گیندوں پر 2 چوکوں کی مدد سے 17 رنز بنا کر آؤٹ ہوئے۔ اس کے بعد آریہ ویر نے وی کے ونیت کے ساتھ دوسری وکٹ کے لیے 183 گیندوں میں 193 رنز کی شراکت قائم کرکے ٹیم کو 255 رنز تک پہنچا دیا۔ ہندوستان کو دوسرا جھٹکا آریہ ویر سہواگ کی صورت میں لگا۔ وہ 168 گیندوں پر 7 چھکوں اور 17 چوکوں کی مدد سے 160 رنز بنا کر آؤٹ ہوئے۔ وہیں وی کے ونیت نے 69 گیندوں پر 3 چھکوں اور 3 چوکوں کے ساتھ 67 رنز بنائے۔ ان کے علاوہ یش وردھن چوہان نے 17 اور انوے دراوڑ نے 12 رنز کا تعاون دیا۔ یو اے ای کی جانب سے نسیم خان نے 10 اوورز میں 48 رنز دے کر 4 وکٹیں حاصل کیں، جبکہ ہدایت اللہ خان، نور اللہ ایوبی اور کپتان ایان مصباح نے ایک ایک وکٹ حاصل کی۔
آخری گیند پر 239 رنز بنا کر سمٹی یو اے ای کی ٹیم
ہدف کے تعاقب میں یو اے ای کی پوری ٹیم اننگز کی آخری گیند پر 239 رنز بنا کر آؤٹ ہوگئی۔ کپتان ایان مصباح نے زین اللہ رحمانی کے ساتھ پہلی وکٹ کے لیے 36 رنز کی شراکت قائم کی۔ رحمانی 16 رنز بنا کر آؤٹ ہوئے۔ اس کے بعد یین رائے نے مصباح اور احمد خداداد کے ساتھ 25، 25 رنز کی شراکتیں کرتے ہوئے ٹیم کا اسکور 86 رنز تک پہنچایا۔ اس کے بعد احمد خداداد نے ذمہ داری سنبھالی۔ انہوں نے نور اللہ ایوبی کے ساتھ ساتویں وکٹ کے لیے 52 گیندوں میں 90 رنز کی شراکت قائم کرکے ٹیم کو 231 رنز تک پہنچا دیا۔ تاہم یہ شراکت ٹوٹنے کے بعد یو اے ای کی ٹیم تاش کے پتوں کی طرح بکھر گئی۔ احمد خداداد نے 74 گیندوں پر 9 باؤنڈریز کی مدد سے 74 رنز بنائے، جبکہ ایوبی نے 25 گیندوں پر 39 رنز کی اننگز کھیلی۔
ایشان سود نے جھٹکے 4 وکٹیں
ہندوستان کی جانب سے ایشان سود نے 7 اوورز میں 37 رنز دے کر 4 وکٹیں حاصل کیں۔ ان کے علاوہ موہت الووا، منل چوہان، کاویہ پٹیل، یش وردھن چوہان، آریان سواسنی اور ارجن راجپوت نے ایک ایک وکٹ حاصل کی۔ اس جیت کے ساتھ ہندوستان نے سیمی فائنل 2 میں جگہ بنا لی ہے، جہاں 12 نومبر کو اس کا مقابلہ افغانستان سے ہوگا۔ دوسری جانب سیمی فائنل 1 میں پاکستان اور بنگلہ دیش کی ٹیمیں مدمقابل ہوں گی۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
