نئی دہلی: بھارتی کرکٹ ٹیم نے ٹی20 ورلڈ کپ 2026 کے سیمی فائنل میں انگلینڈ کو شکست دے کر فائنل میں جگہ بنالی ہے۔ وانکھڑے اسٹیڈیم، ممبئی میں جمعرات کو کھیلے گئے اس میچ کے بعد بھارت مسلسل دوسرے ایڈیشن کے فائنل میں پہنچنے والی تیسری ٹیم بن گئی ہے۔اس سے قبل روہت شرما کی قیادت میں ٹیم بھارت نے ٹی20 ورلڈ کپ 2024 کا فائنل کھیلا تھا اور فائنل میں جنوبی افریقہ کو شکست دے کر ٹائٹل جیتا تھا۔بھارت سے پہلے صرف پاکستان اور سری لنکا ایسے ملک ہیں، جنہوں نے ٹی20 ورلڈ کپ میں مسلسل دو بار فائنل کھیلنے کا اعزاز حاصل کیا۔
پاکستان نے 2007 اور 2009 کے ٹی20 ورلڈ کپ کے فائنل کھیلے تھے۔ 2007 میں پاکستان کو بھارت کے خلاف شکست کا سامنا کرنا پڑا جب کہ 2009 میں پاکستان نے سری لنکا کو شکست دے کر ٹائٹل جیتا۔سری لنکا نے 2012 اور 2014 کے فائنل کھیلے، 2012 میں اسے ویسٹ انڈیز کے ہاتھوں شکست ہوئی، جب کہ 2014 میں بھارت کو ہراتے ہوئے ٹائٹل اپنے نام کیا۔
ٹی20 ورلڈ کپ 2026 اس فارمیٹ کا 10واں ایڈیشن ہے اور بھارتی ٹیم چوتھی بار فائنل میں پہنچ چکی ہے۔ پہلے ایڈیشن 2007 میں بھارت نے پاکستان کو شکست دے کر ٹائٹل جیتا تھا، 2014 میں فائنل میں سری لنکا سے ہار ہوئی، اور 2024 میں بھارت نے دوسرا ٹائٹل جیتا۔
8 مارچ کو بھارتی ٹیم نیوزی لینڈ کے خلاف اپنا تیسرا ٹی20 ورلڈ کپ جیتنے کے لیے میدان میں اترے گی، جب کہ نیوزی لینڈ اپنا پہلا ٹائٹل جیتنے کے لیے کوشاں ہے۔اب تک بھارت (2007، 2024)، انگلینڈ (2010، 2022) اور ویسٹ انڈیز (2012، 2016) نے دو دو بار ٹی20 ورلڈ کپ جیتا ہے، جب کہ پاکستان (2009)، سری لنکا (2014) اور آسٹریلیا (2021) ایک ایک بار فاتح بن چکے ہیں۔ نیوزی لینڈ اور جنوبی افریقہ جیسی بڑی ٹیمیں ابھی ٹی20 ورلڈ کپ کا پہلا ٹائٹل جیتنے کی تلاش میں ہیں۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
