نئی دہلی: ہاکی ورلڈ کپ 2026 میں بھارتی خواتین ہاکی ٹیم نے پول ’ڈی‘ کے اپنے دوسرے مقابلے میں جنوبی افریقہ کو 6-1 کے بڑے فرق سے شکست دے کر شاندار کامیابی حاصل کی۔ اس جیت کے ساتھ بھارتی ٹیم 4 پوائنٹس حاصل کرکے پول ’ڈی‘ میں پہلی پوزیشن پر پہنچ گئی ہے۔ بھارت نے اپنے پہلے میچ میں چین کے خلاف 2-2 سے ڈرا کھیلا تھا۔ ایسے میں جنوبی افریقہ کے خلاف یہ مقابلہ بھارتی ٹیم کے لیے انتہائی اہم تھا، جس میں اس نے نہ صرف بڑی فتح حاصل کی بلکہ گول کے فرق کی بنیاد پر پوائنٹس ٹیبل میں بھی سب سے اوپر جگہ بنا لی۔
پہلے کوارٹر سے ہی بھارت کا دباؤ
جنوبی افریقہ کے خلاف بھارتی ٹیم نے پہلے ہی کوارٹر سے جارحانہ کھیل کا مظاہرہ کیا۔ کھیل کے 10ویں منٹ میں سنیلتا ٹوپو نے گول کرکے بھارت کا کھاتہ کھولا۔ پہلے کوارٹر کے اختتام تک بھارتی ٹیم 1-0 سے آگے تھی۔ دوسرے کوارٹر میں بھی بھارت نے اپنی رفتار برقرار رکھی۔ 16ویں منٹ میں نونیت کور نے دوسرا گول کیا، جبکہ 24ویں منٹ میں سشیلا چانو نے گول کرکے بھارتی ٹیم کی برتری 3-0 کر دی۔
تیسرے کوارٹر میں تین گول، جنوبی افریقہ کی واپسی کی امید ختم
پہلے دو کوارٹرز میں 3-0 کی برتری حاصل کرنے کے بعد بھارتی خواتین ٹیم نے تیسرے کوارٹر میں بھی شاندار کھیل جاری رکھا اور مزید تین گول داغ دیے۔ 37ویں منٹ میں دیپیکا نے گول کیا۔ اس کے بعد 43ویں منٹ میں لالریمسیا می نے گیند کو جال میں پہنچایا، جبکہ 44ویں منٹ میں ساکشی رانا نے تیسرا گول کرکے بھارت کی برتری 6-0 کر دی۔ اس کے ساتھ ہی بھارتی ٹیم کی فتح تقریباً یقینی ہوگئی۔ چوتھے اور آخری کوارٹر میں جنوبی افریقہ کی جانب سے 54ویں منٹ میں کائلا ڈی وال نے گول کیا، لیکن اس وقت تک بھارت نے 6-0 کی فیصلہ کن برتری حاصل کر لی تھی۔ جنوبی افریقہ کی ٹیم مزید گول کرنے میں ناکام رہی اور اسے 6-1 سے شکست کا سامنا کرنا پڑا۔
گول کے فرق نے بھارت کو چین سے آگے کیا
اس بڑی فتح کے بعد بھارتی خواتین ٹیم کے پول ’ڈی‘ میں 4 پوائنٹس ہوگئے ہیں۔ چین کے بھی 4 پوائنٹس ہیں، تاہم بہتر گول فرق کی وجہ سے بھارت نے پہلی پوزیشن حاصل کرلی ہے۔ اب بھارتی خواتین ٹیم پول ’ڈی‘ میں اپنا آخری مقابلہ 20 اگست کو انگلینڈ کے خلاف کھیلے گی۔ یہ میچ بھارتی وقت کے مطابق شام 6:30 بجے شروع ہوگا۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
