ہندوستانی مینس ہاکی ٹیم کا شاندار آغاز، ازبکستان کو 16-0 سے دی شکست
Asian Games 2023: ایشین گیمز 2023 میں ہندوستانی مینس ہاکی ٹیم نے شاندار آغاز کیا اور ازبکستان کی ٹیم کو بری طرح شکست دی۔ ہندوستان کے للت اپادھیائے، ورون کمار اور مندیپ سنگھ کی ہیٹ ٹرک کی بنیاد پر منیس ہاکی مقابلے میں ازبکستان کو 16-0 سے شکست دے کر جیت کے ساتھ آغاز کیا۔ یہ ٹوکیو اولمپک کی کانسی کا تمغہ جیتنے والی عالمی نمبر تین ٹیم انڈیا کے لیے پول اے کا میچ تھا۔ قابل ذکربات یہ ہے کہ آپ کو بتاتے ہیں کہ FIH رینکنگ میں ازبکستان 66 ویں نمبر پر ہے۔
ہندوستان کے لیے للت اپادھیائے (7ویں، 24ویں، 37ویں اور 53ویں منٹ)، مندیپ سنگھ (18ویں، 27ویں اور 28ویں منٹ) اور ورون کمار (12ویں، 36ویں، 50ویں اور 52ویں منٹ) نے ہیٹ ٹرک کی۔
بھارتی کپتان ہرمن پریت سنگھ نے کھیلا میچ
اس کے علاوہ ابھیشیک (17ویں)، سکھجیت سنگھ (42ویں)، شمشیر سنگھ (43ویں)، امیت روی داس (38ویں) اور سنجے (57ویں) نے گول کئے۔ اگلا میچ ہندوستان کو اب 26 ستمبر کو سنگاپور سے کھیلنا ہے۔ بھارتی کپتان ہرمن پریت سنگھ یہ میچ نہیں کھیلے۔ وہ افتتاحی تقریب میں اولمپک میڈلسٹ باکسر لولینا بورگوہین کے ساتھ ہندوستانی دستے کے پرچم بردار تھے۔جس کے بعد انہیں آرام دیا گیا تھا۔ ہندوستانی شروع سے ہی حاوی رہے اور ساتویں منٹ میں پہلا گول کیا۔ بھارت کو پورے 60 منٹ میں 14 پنالٹی کارنر ملے جن میں سے صرف پانچ گول ہو سکے جو کہ کوچ کریگ فلٹن کے لیے تشویشناک ہے۔
ہندوستان کو پانچویں منٹ میں ہی ایک موقع ملا
ہندوستانی فارورڈ لائن اور مڈ فیلڈرز نے مل کر 10 گول کیے اور ایک گول پنالٹی اسٹروک پر ہوا۔ بھارت کو پانچویں منٹ میں ہی موقع ملا لیکن ابھیشیک کا شاٹ ازبک گول کیپر نے بچا لیا۔ اس کے بعد سکھجیت نے ہندوستان کو پہلا پنالٹی کارنر دیا لیکن سنجے اس پر گول نہیں کر سکے۔ للت نے ریباؤنڈ پر گول کیا۔
ہندوستان کی برتری کو ورون نے 12ویں منٹ میں پنالٹی کارنر پر گول کرکے دوگنا کردیا۔ دوسرے کوارٹر کے آغاز میں ہندوستان کو ملنے والا پنالٹی کارنر رائیگاں گیا۔ بھارت کا تیسرا گول ابھیشیک نے 17ویں منٹ میں بائیں جانب سے مندیپ کے پاس پر کیا۔ مندیپ نے وقفے سے پہلے ایک منٹ کے اندر دو گول کئے۔ ہندوستان کو تین منٹ کے اندر دو مزید پنالٹی کارنر ملے لیکن کوئی گول نہ کرسکا۔ ہاف ٹائم تک ہندوستان کو 7-0 کی برتری حاصل تھی۔
بھارت ایکسپریس
