نئی دہلی: بھارتی کرکٹ ٹیم اور پاکستان کے درمیان کولمبو کے آر پریماداسا اسٹیڈیم میں کھیلا گیا سنسنی خیز مقابلہ کئی حوالوں سے یادگار بن گیا۔ بھارتی ٹیم نے یہ میچ 61 رنز سے جیت کر ٹی20 ورلڈ کپ میں پاکستان کے خلاف اپنا ریکارڈ 8-1 کر لیا۔ قابل ذکر بات یہ ہےکہ میچ سے قبل پیش آنے والا ایک خوشگوار منظر دونوں ممالک کے کرکٹ شائقین کے دل جیت گیا۔انٹرنیشنل کرکٹ کونسل نے سابق بھارتی کپتان روہت شرما کو ٹی20 ورلڈ کپ 2026 کے لیے برانڈ ایمبیسیڈر مقرر کیا ہے، جب کہ پاکستان کے سابق کپتان وسیم اکرم آئی سی سی کی کمنٹری ٹیم کا حصہ
ہیں۔ بھارت-پاکستان میچ سے قبل آئی سی سی نے دونوں عظیم کھلاڑیوں کو ٹی20 ٹرافی میدان میں لانے کی ذمہ داری سونپی۔ اس موقع پر روہت شرما اور وسیم اکرم ایک دوسرے سے گرمجوشی سے گلے ملتے اور ہاتھ ملاتے دکھائی دیے۔
Legends Hugs, Kids don’t Shake Hands.. #INDvPAK #T20WorldCup pic.twitter.com/FmfZlF12yA
— Nibraz Ramzan (@nibraz88cricket) February 15, 2026
دونوں ممالک کے کرکٹ مداحوں کے لیے یہ منظر نہایت خوشگوارتھا، کیونکہ حالیہ عرصے میں میدان کے اندر اور باہر کشیدگی کی فضا دیکھی گئی ہے۔ ایسے میں دونوں لیجنڈز کا باہمی احترام اور دوستانہ انداز کھیل کی اصل روح کی عکاسی کرتا نظر آیا۔ اس لمحے کی ویڈیو سوشل میڈیا پر تیزی سے وائرل ہوگئی اور مداحوں نے اسے کھیل دوستی کی خوبصورت مثال قرار دیا۔میچ سے قبل روہت شرما کو بھارتی کھلاڑیوں سے ملاقات کرتے اور ان کا حوصلہ بڑھاتے بھی دیکھا گیا۔ مقابلے کے دوران وہ آئی سی سی کے صدر جے شاہ کے ساتھ اسٹیڈیم میں بیٹھے نظر آئے۔
روہت شرما بھارتی کرکٹ کی تاریخ کے کامیاب ترین کپتانوں میں شمار ہوتے ہیں۔ ان کی قیادت میں بھارت نے ٹی20 ورلڈ کپ 2024 اورچیمپئنز ٹرافی 2025 کا ٹائٹل اپنے نام کیا۔ ٹی20 ورلڈ کپ 2024 جیتنے کے بعد انہوں نے اس فارمیٹ کو خیرباد کہہ دیا تھا، جبکہ 2025 میں انگلینڈ کے دورے سے قبل ٹیسٹ کرکٹ سے بھی ریٹائرمنٹ کا اعلان کر دیا تھا۔فی الحال وہ ون ڈے کرکٹ میں سرگرم ہیں۔ حال ہی میں ایک انٹرویو میں روہت نے کہا کہ وہ 2027 کا ون ڈے ورلڈ کپ کھیلنا اور ملک کے لیے جیتنا چاہتے ہیں۔ بھارت-پاکستان مقابلے کی اس یادگار شام میں جہاں ایک طرف ٹیم انڈیا کی شاندار جیت سرخیوں میں رہی، وہیں روہت اور وسیم کی دوستانہ ملاقات نے کھیل کو سیاست سے بالاتر ثابت کر دیا۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
