عالم باغ بس سٹینڈ سے خاتون کو اغوا کر کے کیا گیا قتل
لکھنؤ: عالم باغ بس اسٹینڈ سے خاتون کے اغوا اور قتل کا سنسنی خیز معاملہ سامنے آیا ہے۔ اس کیس میں ایک ملزم پولیس انکاؤنٹر میں مارا گیا، جب کہ دوسرے کو گرفتار کر لیا گیا۔
خاتون کو عالم باغ بس اسٹینڈ سے اغوا کیا گیا اور بعد میں قتل کر کے اس کی لاش آم کے باغ میں پھینک دی گئی۔ خاتون کے قتل کے بعد پورے علاقے میں کہرام مچ گیا۔ اس معاملے میں کارروائی کرتے ہوئے پولیس نے پہلے ملزم دنیش کو گرفتار کیا، لیکن کلیدی ملزم اجے پولیس کی گرفت سے باہر تھا۔ اس کے بعد پولیس نے اجے کی تلاش تیز کر دی اور اس کی گرفتاری کے لیے مختلف مقامات پر چھاپے مارنے شروع کر دیے۔
اس دوران ملیح آباد کے دیوا ریسٹورنٹ کے قریب پولیس اور ملزم اجے کا آمنا سامنا ہوا۔ اس دوران ملزم نے بھاگنے کی کوشش کی اور پولیس پر فائرنگ شروع کر دی جس کے بعد پولیس نے بھی اپنے دفاع میں جوابی کارروائی کی جس سے اجے زخمی ہو گیا۔ انکاؤنٹر میں زخمی ہونے کے بعد پولیس ملزم اجے کو علاج کے لیے اسپتال لے گئی، لیکن وہ اسپتال پہنچنے سے پہلے ہی دم توڑ گیا۔
اجے کے خلاف پہلے ہی 23 سنگین مقدمات درج ہیں اور وہ اس سے قبل عصمت دری کے الزام میں جیل بھی جاچکا تھا۔ پولیس نے اس کی گرفتاری پر ایک لاکھ روپے کے انعام کا بھی اعلان کیا تھا۔ اس معاملے کی تحقیقات میں سات پولیس اہلکار لاپرواہی کے لئے قصوروار پائے گئے، جس کے بعد ان کے خلاف کارروائی کی گئی۔
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
