مدھیہ پردیش کانگریس نے لوک سبھا الیکشن کے نتائج سے متعلق بڑا دعویٰ کیا ہے۔
لوک سبھا انتخابات 2024 کے لیے کانگریس کی ممکنہ فہرست سامنے آئی ہے۔ اس فہرست میں اتر پردیش کی دو سیٹوں پر امیدواروں کے نام سامنے آئے ہیں، جن میں وارانسی اور مہاراج گنج سیٹوں کے امیدواروں کے ناموں کو منظوری دی گئی ہے۔ ذرائع کے مطابق کانگریس نے اتر پردیش کی وارانسی سیٹ سے وزیر اعظم نریندر مودی کے خلاف یوپی کانگریس کے صدر اجے رائے کو ٹکٹ دیا ہے۔ اس کے ساتھ ہی کانگریس یوپی کی مہاراج گنج سیٹ سے سپریا شرینیت کو اپنا امیدوار قرار دے سکتی ہے۔
کانگریس جلد ہی لوک سبھا انتخابات کے لیے اپنی سرکاری فہرست جاری کرے گی۔ اتر پردیش میں کانگریس سماج وادی پارٹی کے ساتھ اتحاد میں الیکشن لڑ رہی ہے۔ اتحاد میں کانگریس کو 17 سیٹیں ملی ہیں۔ بی جے پی نے جہاں یوپی میں 51 سیٹوں پر اپنے امیدواروں کا اعلان کیا ہے وہیں ایس پی نے بھی اپنی کچھ سیٹوں پر اپنے امیدواروں کے ناموں کا اعلان کیا ہے۔
بی جے پی نے دوبارہ وزیر اعظم نریندر مودی کو وارانسی سے میدان میں اتارا ہے۔ اس سلسلے میں مانا جا رہا ہے کہ کانگریس یوپی کانگریس صدر اجے رائے کو وارانسی سے ٹکٹ دے گی۔ اجے رائے اس سے پہلے وارانسی سے الیکشن لڑ چکے ہیں لیکن وہ ایک بار بھی جیت نہیں پائے ہیں۔ اجے رائے نے وارانسی سے ایس پی اور کانگریس دونوں کے ٹکٹ پر الیکشن لڑا تھا لیکن وہ یہ سیٹ نہیں جیت پائے تھے۔
بھارت ایکسپریس
