جے پور: راجستھان کے بالوترا ضلع کے سروادی گاؤں کے قریب جمعہ کے روز قومی شاہراہ 25 پر ایک خوفناک سڑک حادثے میں چھ افراد ہلاک اور متعدد شدید زخمی ہوگئے۔ حادثہ قومی شاہراہ 25 پر بالوترا ضلع کے سروادی گاؤں کے قریب پیش آیا۔ حادثے میں چھ افراد ہلاک اور متعدد شدید زخمی ہو گئے۔ حادثہ شام 4 بجے کے قریب اس وقت پیش آیا جب ایک سلیپر بس اوور ٹیک کرنے کی کوشش کے دوران ٹریلر سے ٹکرا گئی۔
بالوترا کے ایس ڈی ایم اشوک کمار کے مطابق بس جودھپور سے سانچور جا رہی تھی، جب کہ ٹریلر جودھپور کی طرف جا رہا تھا۔ ڈرائیور دو گاڑیوں کو اوور ٹیک کرنے کی کوشش کر رہا تھا کہ بس کی ڈرائیور سائیڈ مخالف سمت سے آنے والے ٹریلر سے ٹکرا گئی۔ تصادم اتنا شدید تھا کہ بس کے ڈرائیور کی سائیڈ کو شدید نقصان پہنچا۔ گاڑی کے کئی حصوں میں خون پھیل گیا تھا اور اندر سے کئی لاشیں پھنسی ہوئی تھیں۔
شیوراج اور یوراج دو بھائیوں کی گئی جان
دو چھوٹے بھائی، جن کی عمریں 3 اور 6 سال ہیں، بھی اس حادثے میں ہلاک ہو گئے۔ مرنے والوں کی شناخت نرپت (50) ساکن چتلوانہ، ناگرم (38) ساکن سائلہ، انوشا (22) ساکن دنتا، شیوراج (3) اور یووراج (6) ولد دھرورام ساکن بگوڈا کے طور پر ہوئی ہے۔
زخمی مسافر قریبی اسپتالوں کیے گئے منتقل
اطلاع ملتے ہی کلیان پور تھانے کی ایک ٹیم جائے وقوعہ پر پہنچی اور ریسکیو آپریشن شروع کیا۔ زخمی مسافروں کو قریبی اسپتالوں میں منتقل کر دیا گیا۔ بالوترا اسپتال کے اہلکار ڈاکٹر سندیپ دیوت نے بتایا کہ حادثے میں نو افراد زخمی ہوئے ہیں۔ چار شدید زخمی مسافروں کو جودھ پور ریفر کر دیا گیا، جبکہ پانچ دیگر کا کلیان پور کمیونٹی ہیلتھ سنٹر میں علاج کیا جا رہا ہے۔
حادثے کی اصل وجہ پتہ لگا رہی ہے پولیس
حادثے کے باعث قومی شاہراہ پر بڑے پیمانے پر افراتفری مچ گئی جس کے باعث دونوں جانب طویل ٹریفک جام ہوگیا۔ پولیس نے ملبہ ہٹا کر ٹریفک بحال کر دی۔ ناگور کے ایم پی ہنومان بینیوال نے حادثے پر غم کا اظہار کیا اور مرنے والوں کی روح کی شانتی اور زخمیوں کی جلد صحت یابی کی دعا کی۔ پولیس نے حادثے کی اصل وجہ جاننے کے لیے تفتیش شروع کر دی ہے۔
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
