ممبئی: ممبئی کے اندھیری ویسٹ میں ایس وی روڈ پر واقع ہائی رائز عمارت ’چاندی والا پرل ریجنسی‘ میں ہفتہ کے روز شدید آگ لگ گئی، جس کے باعث سوسائٹی میں افراتفری مچ گئی۔ برہن ممبئی میونسپل کارپوریشن (بی ایم سی) کے ممبئی فائر بریگیڈ (ایم ایف بی) کنٹرول روم کو سب سے پہلے آگ لگنے کی اطلاع ملی۔ ابتدائی طور پر آگ عمارت کی پہلی منزل پر لگی، لیکن بعد میں یہ الیکٹرک ڈکٹ میں پھیل گئی۔
ممبئی فائر بریگیڈ نے دوپہر 2:37 بجے آگ کو لیول-1 قرار دیا۔ آگ پہلی سے دسویں منزل تک الیکٹرک ڈکٹ میں پھیل گئی، جس کے نتیجے میں پوری عمارت دھوئیں سے بھر گئی اور لوگوں کو سانس لینے میں دشواری کا سامنا کرنا پڑا۔ خوش قسمتی سے اب تک کسی جانی نقصان یا شدید زخمی ہونے کی اطلاع نہیں ملی ہے۔
فائر بریگیڈ کی کئی گاڑیاں موقع پر موجود
آگ بجھانے کے لیے ممبئی فائر بریگیڈ کی متعدد گاڑیاں موقع پر پہنچ گئیں اور کارروائی جاری رہی۔ اس کے علاوہ پولیس، متعلقہ بجلی تقسیم کرنے والی کمپنی کے ملازمین، 108 ایمبولینس سروس اور بی ایم سی کے وارڈ سطح کے اہلکار بھی تعینات کیے گئے۔ دھوئیں کے باعث عمارت میں پھنسے افراد کو بحفاظت باہر نکالنے کا عمل جاری تھا۔ فائر بریگیڈ کی ٹیموں نے وینٹی لیشن اور ریسکیو آپریشن تیز کر دیا۔
علاقے کی بجلی سپلائی کی گئی منقطع
چاندی والا پرل ریجنسی، اندھیری سب وے کے بالکل سامنے ایس وی روڈ پر واقع ایک رہائشی کمپلیکس ہے۔ یہ علاقہ ٹریفک کے لحاظ سے بھی کافی مصروف رہتا ہے، اس لیے آگ کی خبر ملتے ہی آس پاس کے علاقوں میں خوف و ہراس پھیل گیا۔ بجلی کمپنی کے اہلکاروں نے حفاظتی اقدامات کے تحت علاقے کی بجلی سپلائی کاٹ دی گئی۔
الیکٹرک ڈکٹ میں شارٹ سرکٹ کا شبہ
آگ لگنے کی وجہ تاحال واضح نہیں ہو سکی ہے۔ حالانکہ، الیکٹرک ڈکٹ میں شارٹ سرکٹ کا شبہ ظاہر کیا جا رہا ہے۔ ممبئی میں بلند و بالا عمارتوں میں الیکٹرک وائرنگ اور ڈکٹ سے متعلق آگ لگنے کے واقعات پہلے بھی سامنے آ چکے ہیں۔ فائر بریگیڈ کے مطابق آگ پر قابو پانے کی کوششیں جاری ہیں اور صورتحال قابو میں ہے۔ تفصیلی جانچ کے بعد آگ کی اصل وجہ سامنے آئے گی۔
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
