کلبرگی میں دردناک سڑک حادثہ
کالبرگی: کرناٹک کے کلبرگی ضلع میں ہفتہ کی صبح ایک کار اور پک اپ گاڑی میں تصادم ہوا۔ خوفناک سڑک حادثے میں ایک ہی خاندان کے چار افراد ہلاک ہو گئے۔ اس واقعہ کی اطلاع مقامی پولیس کو دی گئی۔ جس کے بعد پولیس نے موقع پر پہنچ کر ایک ایک کرکے چاروں لاشوں کو گاڑی سے باہر نکالا۔ لاشوں کو پوسٹ مارٹم کے لیے مقامی اسپتال بھیج دیا گیا۔
موصولہ اطلاع کے مطابق ایک ہی خاندان کے لوگ ایک کار میں گنگاپور شری دتاتریہ مندر کے درشن کے لیے جا رہے تھے۔ اس دوران، کملا پورہ تعلقہ میں مارگوٹی کراس کے قریب سڑک حادثہ پیش آیا۔ چار افراد کو لے جانے والی کار سامنے سے آنے والی پک اپ سے ٹکرا گئی۔ اس حادثے میں خاندان کے چار افراد کی موت ہو گئی۔
مقامی پولیس کے مطابق مرنے والوں کی شناخت کر لی گئی ہے۔ ان کی شناخت حیدرآباد کے رہنے والے 55 سال کے بھارگو کرشنا، اس کی 45 سالہ بیوی سنگیتا، 28سالہ بیٹا اتم راگھون کے طور پر کی گئی ہے۔ حالانکہ، کار ڈرائیور کی شناخت نہیں ہو سکی ہے۔ جس کی موت سڑک حادثے میں ہوئی تھی۔ یہ سبھی حیدرآباد کے رہنے والے تھے اور کلبرگی میں گنگا پور شری دتاتریہ مندر کے درشن کے لیے جارہے تھے۔
وہیں، ہفتہ کے روز شمالی ہندوستان سے بھی حادثے کی دردناک خبر آئی۔ آگرہ لکھنؤ ایکسپریس وے پر ہفتہ کو بھی ایک خوفناک سڑک حادثہ پیش آیا۔ جس میں 5 افراد ہلاک، جب کہ 20 زخمی ہوئے۔ یہ واقعہ فیروز آباد کے ناصر پور تھانہ علاقے میں سنگ میل 49 پر اس وقت پیش آیا جب متھرا سے لکھنؤ واپس آنے والی سیاحوں کی بس ایک ٹرک سے ٹکرا گئی۔
بس میں سفر کرنے والے تمام لوگ منڈن سنسکار کے بعد گھر واپس جا رہے تھے۔ بس میں سوار زیادہ تر افراد میں خاندان کے افراد اور ان کے رشتہ دار شامل تھے۔ تصادم اتنا شدید تھا کہ بس میں سوار 5 افراد ہلاک اور متعدد شدید زخمی ہوگئے۔ مقامی پولیس اور ایمرجنسی سروسز نے موقع پر پہنچ کر زخمیوں کو شکوہ آباد اسپتال میں داخل کرایا۔ حالت تشویشناک ہونے کے باعث بعض زخمیوں کو ابتدائی طبی امداد کے بعد دوسرے اسپتالوں میں ریفر کر دیا گیا۔
بھارت ایکسپریس۔
