کشن پور: انوائرمنٹ واریرز آرگنائزیشن کی طرف سے جنگلی حیات کے تحفظ اور ترائی کے علاقوں میں عوامی آگاہی کے لیے ہر ماہ مختلف پروگرام کا انعقاد کیا جاتا ہے۔ اسی سلسلے میں 28 اپریل 2025 کو رینجرز آفس کے احاطے، کٹائیہ کشن پور میں انوائرمنٹ واریرز4.0 پروگرام کا انعقاد کیا گیا، جس میں سروجنی نگر کے ایم ایل اے ڈاکٹر راجیشور سنگھ نے بطور مہمان خصوصی شرکت کی۔
اترپردیش میں یوگی سرکار نے لگائے ہیں 200 کروڑ سے زیادہ درخت: ڈاکٹر راجیشور سنگھ
تقریب سے خطاب کرتے ہوئے ڈاکٹر راجیشور سنگھ نے کہا کہ ’’وزیر اعلیٰ یوگی آدتیہ ناگھ کی قیادت میں اتر پردیش نے 200 کروڑ سے زیادہ درخت لگا کر عالمی ریکارڈ قائم کیا ہے، جس کے نتیجے میں ریاست کے جنگلات کا احاطہ بھی 10 فیصد تک بڑھ گیا ہے۔ وہیں اتر پردیش میں شیروں کی تعداد کا تقریباً دوگنا ہونا اور گینڈے کی تعداد میں غیر معمولی اضافہ ریاست میں مضبوط ماحولیاتی نظام کا ثبوت ہے۔ اس کے لیے فیلڈ ڈائریکٹر ایچ راجہ موہن کو خصوصی مبارکباد!‘‘
“In nature’s economy,
the currency is not money- it is life.”पृथ्वी पर प्रति घंटे तीन प्रजातियाँ हमेशा के लिए लुप्त हो रही हैं, United Nations (@UN) के अनुसार, वर्तमान में 10 लाख से अधिक जीव – जन्तुओं की प्रजातियों विलुप्त होने के कगार पर हैं!
एक अनुमान के अनुसार वर्ष 2050 तक… pic.twitter.com/FLkF60DRyD
— Rajeshwar Singh (@RajeshwarS73) April 28, 2025
اسکول کے بچوں کے لیے کیا کوئز کمپٹیشن کا انعقاد
اس پروگرام میں انٹر اسکول کوئز مقابلہ اور فاریسٹ گارڈز کے لیے اعزازی تقریب کا بھی انعقاد کیا گیا۔ اس کے علاوہ پروگرام کے دوران 10 سے زائد اسکولوں کے طلبا کے درمیان کوئز مقابلے کا انعقاد کیا گیا، 30 فاریسٹ گارڈز کو مبارکباد دی گئی اور 5 بہترین جنگلاتی کارکنوں کو اعزاز سے نوازا گیا۔ بچوں کی حوصلہ افزائی کرتے ہوئے رکن اسمبلی راجیشور سنگھ نے کہا کہ ’’مجھے بہت خوشی ہے کہ بچوں نے کوئز کے لیے اچھی تیاری کی ہے۔ انھیں ماحولیاتی مسائل اور ان کے حل کے بارے میں اچھی معلومات ہیں۔ پروگرام کے تحت ددھوا ٹائیگر ریزرو ڈویژن کے 30 نگرانوں کو سائیکلیں فراہم کر کے اعزاز سے نوازا گیا اور بہترین کارکردگی دکھانے والے 5 ملازمین کو بھی اعزازات سے نوازا گیا۔‘‘
ماحولیاتی مسائل کے حوالے سے عوام میں بیداری پیدا کرنا ہے پروگرام کا مقصد
انوائرمنٹ واریرز کی ٹیم نے کہا کہ اس پروگرام کا مقصد جنگلات اور جنگلی حیات کے تحفظ میں کمیونٹی کی شمولیت کو مضبوط بنانا ہے۔ ان کا ماننا ہے کہ جنگلات کے عملے کی کوششوں کو تسلیم کرنے سے بہت سے لوگوں کو ماحولیات کے تحفظ کی حمایت کرنے کی ترغیب ملے گی۔ واضح رہے کہ ڈاکٹر راجیشور سنگھ اپنے حلقے میں ماحولیاتی تحفظ کے اقدامات کو فعال طور پر فروغ دے رہے ہیں۔ انوائرمنٹ واریرز ایونٹ میں ان کی شرکت سے فرنٹ لائن فارسٹ ورکرز کے حوصلے بلند ہوئے اور عوامی بیداری میں بھی اضافہ ہوا۔
اس پروگرام میں مقامی شہریوں، ماحولیاتی کارکنوں اور اسکول کے بچوں نے بڑی تعداد میں شرکت کی۔ ڈی ایم درگا شکتی ناگپال، فیلڈ ڈائریکٹر دودھوا ٹائیگر ریزرو ڈاکٹر ایچ راجا موہن، ایس ڈی او دھرمیندر دویدی سمیت محکمہ جنگلات کے افسران اور ملازمین موجودگی نے اس پروگرام کو مزید کامیاب بنا دیا۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
