دہلی کے اولڈ ایج ہوم میں آگ لگنے سے دو افراد ہلاک ، 13 دیگر زخمی
Delhi:جنوبی دہلی کے گریٹر کیلاش2 میں اتوار کی صبح ایک اولڈ ایج ہوم سینٹر میں آگ لگنے سے دو افراد ہلاک اور 13 دیگر زخمی ہو گئے۔ معلومات کے مطابق، فائر ڈپارٹمنٹ کو اس واقعہ کی اطلاع صبح تقریباً 5.15 بجے ملی۔ اطلاع ملتے ہی فائر بریگیڈ کی چار گاڑیاں موقع پر پہنچ گئیں۔
فائر بریگیڈ کے ایک اہلکار نے بتایا کہ آگ عمارت کی دوسری اور تیسری منزل پر لگی۔ وہاں ایک اولڈ ایج کیئر سنٹر چلایا جا رہا تھا۔ اس واقعے میں دو افراد کی موت ہو گئی، جب کہ ہم نے 6 افراد کو موقع سے بچا لیا۔
مقامی پولیس کی ٹیم بھی موقع پر پہنچ گئی اور ریسکیو آپریشن میں فائر بریگیڈ کے عملے کی مدد کی۔
پولیس نے بتایا کہ تقریباً 13 زخمیوں کو انہیں قریبی اسپتال لے جایا گیا۔
ریسکیو آپریشن جاری ہے۔ محکمہ فائر بریگیڈ کا کہنا ہے کہ آگ پر قابو پا لیا گیا ہے۔
فائر ڈیپارٹمنٹ نے بتایا کہ آٹھ افراد پھنسے ہوئے تھے جن میں سے دو کی موت ہو گئی اور چھ کو بچا لیا گیا۔
آگ لگنے کی وجہ معلوم نہیں ہوسکی ہے جبکہ شارٹ سرکٹ کا شبہ ظاہر کیا جارہا ہے۔
انہوں نے بتایا کہ جھلسنے والے ایک بزرگ شہری کو میکس اسپتال ساکیت میں داخل کرایا گیا ہے، جب کہ 12 دیگر بزرگ شہریوں کو انتارا کیئر کی اوکھلا برانچ میں منتقل کیا گیا ہے
بھارت ایکسپریس۔
