امیٹھی میں حادثہ
امیٹھی: جمعہ کی صبح اتر پردیش کے امیٹھی میں ایک تیز رفتار کنٹینر نے ریلوے کراسنگ پر کھڑی کئی گاڑیوں کو ٹکر مار دی۔ حادثے میں تین افراد کی موت ہو گئی ہے جبکہ ایک شدید زخمی ہے۔
بتایا جا رہا ہے کہ یہ حادثہ آج صبح تقریباً 3 بجے کمرولی پولیس اسٹیشن کے نزدیک اندورما ریلوے کراسنگ پر پیش آیا۔ ریلوے کراسنگ بند ہونے کی وجہ سے کئی گاڑیاں وہاں کھڑی تھیں۔ اس کے بعد تیز رفتاری سے پیچھے سے آنے والا کنٹینر کھڑی گاڑیوں سے ٹکرا گیا۔ تصادم اتنا زوردار تھا کہ کئی گاڑیوں کے پرخچے اڑ گئے۔
موقع پر پہنچی پولیس نے موقع پر موجود لوگوں کی مدد سے حادثے کا شکار گاڑیوں میں پھنسے افراد کو نکالا۔ انہیں اسپتال بھیجا گیا جہاں ڈاکٹروں نے ان میں سے تین کو مردہ قرار دے دیا۔ جبکہ، ایک زخمی کو علاج کے لیے لکھنؤ ٹراما سینٹر بھیجا گیا ہے۔
بھارت ایکسپریس۔
