انجمن بلڈ ڈونرز کے نام سے واٹس ایپ گروپ ضرورت مندوں تک خون پہنچاتا ہے
سری نگر: ضلع سری نگر میں نوجوانوں کا ایک گروپ واٹس ایپ گروپ کے ذریعے خون عطیہ کرنے کی مہم چلا رہا ہے۔ گروپ کے ایک ایڈمن طاہر علی نے خبر رساں ایجنسی کو بتایا کہ انجمن بلڈ ڈونرز خون کے عطیہ کا ایک اقدام ہے جو کچھ نوجوانوں نے لوگوں کی جان بچانے کے لیے اٹھایا ہے۔
وہیں ایک پولیس اہلکار طاہر نے بتایا کہ واٹس ایپ گروپ کے ذریعے خون کے عطیہ کی مہم چار سال قبل شروع کی گئی تھی اور اب تک اس نے ضرورت مند مریضوں کے لیے 3000 سے زیادہ بلڈ پنٹ کا انتظام کیا ہے۔ انہوں نے کہا کہ میں بھی 2005 سے خون کا عطیہ دے رہا ہوں۔
بتا دیں کہ طاہر نے اب تک 48 خون کے پنٹ عطیہ کیے ہیں۔ انہوں نے کہا کہ ہم سب کو اس پاک مشن میں ہاتھ بٹانا چاہیے اور جانیں بچانی چاہئیں۔ انہوں نے کہا کہ ہم ان تمام لوگوں کو خوش آمدید کہتے ہیں جو خون کا عطیہ دینا چاہتے ہیں۔ جن کو خون کی ضرورت ہے وہ ہمارے گروپ سے بھی رابطہ کر سکتے ہیں۔
ایک اور ایڈمن، سمیر مصطفیٰ نے کہا کہ یہ گروپ 800 خون عطیہ کرنے والوں پر مشتمل ہے جس میں مرد اور خواتین دونوں شامل ہیں۔ انہوں نے کہا کہ ہم ضرورت مند مریضوں کے لیے خون، پلازما اور پلیٹ لیٹس کا بندوبست کرتے ہیں۔
واٹس ایپ گروپ ایک دیگر ممبر مجتبیٰ حسین نے کہا کہ ہمارا مقصد جان بچانا ہے کیونکہ ہم حادثات اور دیگر ہنگامی حالات کا مشاہدہ کرتے ہیں جن میں روزانہ کی بنیاد پر خون کی ضرورت ہوتی ہے۔ ہم اپنے رضاکاروں کے ساتھ جو متعدد جگہوں پر پھیلے ہوئے ہیں ہمیشہ ضرورت مندوں کو خون کا عطیہ دینے کی کوشش کرتے ہیں۔
واٹس ایپ گروپ کا ایک اور رکن حذیف نے کہا کہ ہمارا تعلق کسی تنظیم سے نہیں ہے۔ ہم رضاکاروں کی ایک ٹیم ہیں جو ضرورت مند مریضوں کے لیے خون، پلازما اور پلیٹلیٹس کا فوری بندوبست کرتے ہیں۔ ہم اپنے واٹس ایپ گروپ میں 800 ممبران (خون کے عطیہ دہندگان) کو شامل کرنے میں کامیاب رہے ہیں۔ ہم دوسرے عطیہ دہندگان کے ساتھ مل کر اللہ اور انسانیت کی خاطر بلا معاوضہ خون کا عطیہ دیتے ہیں۔
بھارت ایکسپریس۔
