![](https://urdu.bharatexpress.com/wp-content/uploads/2023/05/Jammu.jpg)
جموں میں المناک سڑک حادثہ۔ تصویر۔ اے این آئی
جموں میں ایک دردناک بس حادثہ پیش آیا ہے جس میں 10 لوگوں کی ہلاکت کی خبر ہے۔ یہ حادثہ جھجر کوٹلی علاقے میں پیش آیا ہے جہاں مسافروں سے بھری بس امرتسر سے کٹرہ جارہی تھی تبھی بس ڈرائیور اپنا توازن کھو بیٹھا اور بس بے قابو ہوکر کھائی میں جا گری۔ پولیس ذرائع نے بتایا کہ بس میں تقریباً 70-75 لوگ سوار تھے جن میں سے کچھ کی موقع پر ہی موت ہو گئی۔ جبکہ کچھ زخمی افراد کو اسپتال لے جایا گیا جہاں ڈاکٹروں نے انہیں مردہ قرار دے دیا۔
#WATCH | J&K | A bus from Amritsar to Katra fell into a gorge in Jammu. As per Jammu DC, 7 peopled died and 4 critically injured; 12 others also sustained injuries.
Visuals from the spot. pic.twitter.com/iSse58ovos
— ANI (@ANI) May 30, 2023
بس حادثے پر صدر مرمو نے افسوس کا اظہار کیا
صدر دروپدی مرمو نے منگل کو جموں میں ایک سڑک حادثے میں یاتریوں کی موت پر غم کا اظہار کیا اور سوگوار خاندانوں کے تئیں گہری تعزیت کا اظہار کیا۔ انہوں نے زخمیوں کی جلد صحت یابی کی بھی دعا کی۔ صدر جمہوریہ نے ٹویٹ کیا، “جموں میں بس حادثے میں کئی یاتریوں کی موت انتہائی افسوسناک ہے۔ ان خاندانوں سے میری گہری تعزیت ہے جنہوں نے اپنے پیاروں کو کھو دیا ہے۔ میں زخمیوں کی جلد صحت یابی کی دعا کرتی ہوں۔
دوسری جانب بہار کے وزیر اعلیٰ نتیش کمار نے جموں کے جھجر کوٹلی میں بس حادثے میں بہار کے باشندوں کی موت پر تعزیت کا اظہار کیا اور لواحقین کو دو لاکھ روپے کی ایکس گریشیا گرانٹ کا اعلان کیا ہے۔
Bihar CM Nitish Kumar expresses condolences over the death of Bihar natives in the bus accident in Jhajjar Kotli, Jammu and announces an ex-gratia grant of Rs.2 lakh each to the next of kin. pic.twitter.com/J4cYGfFT4D
— ANI (@ANI) May 30, 2023
واضح رہے کہ جموں و کشمیر کے جموں ضلع میں ایک بس پل سے پھسل کر کھائی میں گرنے سے ویشنو دیوی جانے والے 10 یاتریوں کی موت ہو گئی اور 57 دیگر زخمی ہو گئے۔ بس کھائی میں گرنے سے پہلے پل کی ‘ریلنگ’ سے بھی ٹکرا گئی۔ بس امرتسر سے کٹرا جا رہی تھی جب جھجر کوٹلی علاقے میں حادثہ پیش آیا۔
بھارت ایکسپریس۔