آج عالمی یوم خواتین کے موقع پر پی ایم نریندر مودی نے ملک بھر کی خواتین کو مبارکباد دی ہے۔ سوشل میڈیا سائٹ ایکس پر پوسٹ شیئر کرتے ہوئے انہوں نے لکھا، ہم خواتین کے عالمی دن پر خواتین کی طاقت کو سلام پیش کرتے ہیں۔ ہماری حکومت نے ہمیشہ خواتین کو بااختیار بنانے کے لیے کام کیا ہے، جس کی جھلک ہماری اسکیموں اور پروگراموں میں نظر آتی ہے۔ آج وعدے کے مطابق، میری سوشل میڈیا پراپرٹیز خواتین سنبھالیں گی، جو مختلف شعبوں میں اپنی شناخت بنا رہی ہیں۔ آپ کو بتاتے چلیں کہ اسی سلسلے میں پی ایم نریندر مودی آج گجرات کے نوساری میں لکھ پتی دیدی کے پروگرام سے خطاب کریں گے۔ اس دوران خواتین کی طاقت کے حوالے سے ایک قابل فخر لمحہ دیکھنے کو ملے گا۔
3 ہزار خواتین پی ایم مودی کو سیکورٹی فراہم کریں گی
We bow to our Nari Shakti on #WomensDay! Our Government has always worked for empowering women, reflecting in our schemes and programmes. Today, as promised, my social media properties will be taken over by women who are making a mark in diverse fields! pic.twitter.com/yf8YMfq63i
— Narendra Modi (@narendramodi) March 8, 2025
قابل ذکر بات یہ ہے کہ عالمی یوم خواتین کے موقع پر صرف خواتین پولیس اہلکار ہی پی ایم نریندر مودی کو سیکورٹی فراہم کریں گی۔ یعنی پی ایم مودی کی سیکورٹی کی ذمہ داری خواتین پولیس اہلکاروں کے ہاتھ میں ہوگی۔ یہ ملک میں پہلا موقع ہوگا جب خواتین پولیس اہلکار پی ایم مودی کی سیکورٹی کی ذمہ داری سنبھالیں گی۔ یہ جانکاری گجرات کے وزیر داخلہ نے دی۔ گجرات کے وزیر داخلہ ہرش سنگھوی نے کہا کہ عالمی یوم خواتین کے موقع پر گجرات پولیس نے ایک منفرد پہل کی ہے۔ یہ ملک کی تاریخ میں پہلی بار ہونے جا رہا ہے، جب پی ایم نریندر مودی کی سیکورٹی خواتین پولیس اہلکاروں کے ہاتھ میں ہوگی۔ آپ کو بتاتے چلیں کہ نوساری میں پی ایم مودی کی آمد سے لے کر پروگرام کے مقام کی سیکورٹی کی ذمہ داری صرف واتین پولیس اہلکاروں کی ہوگی۔
بھارت ایکسپریس
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
