دہشت گردی کے خلاف بھارت کی جوابی کارروائی ‘آپریشن سندور’ نے پاکستان کو بھاری نقصان پہنچایا ہے۔ اس سے مایوس ہو کر اس نے سرحد سے ملحقہ علاقوں پر حملہ کرنے کی کوشش کی ہے۔ قابل ذکر بات یہ ہے کہ اس کے زیادہ تر حملے ناکام بنائے گئے۔ پاکستان کی طرف سے کئے جا رہے، حملوں میں جموں و کشمیر کے ایڈیشنل ڈپٹی کمشنر ہلاک ، جس کی جانکاری خود وزیر اعلیٰ عمر عبداللہ نے دی ہے۔
حکام کے مطابق، ہفتہ کی علی الصبح جموں و کشمیر کے راجوری ضلع میں ایک رہائشی عمارت پر سرحد پار سے فائر کیا گیا گولہ گرنے سے ایک اعلیٰ سرکاری افسر ہلاک اور دو دیگر شدید زخمی ہو گئے۔ ایڈیشنل ڈپٹی کمشنر (راجوری)، راج کمار تھاپا، دو عملے کے ارکان کے ساتھ اس وقت زخمی ہو گئے جب راجوری قصبے میں ان کی سرکاری رہائش گاہ پر توپ خانے کا گولہ گرا۔ علاج کے دوران تھاپا کی موت ہو گئی۔ ان کے عملے کے ارکان کی حالت تشویشناک ہے۔
حکام نے ہلاکتوں کی تصدیق کی، طبی امداد فراہم کی گئی
گولہ باری صبح سویرے ہوئی، جس نے براہ راست افسر کی رہائش گاہ کو نشانہ بنایا۔ حکام نے بتایا کہ تھاپا اور ان کی ٹیم کو ہنگامی علاج کے لیے گورنمنٹ میڈیکل کالج لے جایا گیا۔ طبی کوششوں کے باوجود تھاپا زخموں کی تاب نہ لاتے ہوئے چل بسے۔ حکام نے تصدیق کی ہے کہ دو زخمی عملے کی حالت بدستور تشویشناک ہے۔
وزیر اعلیٰ عمر عبداللہ نے نقصان پر دکھ کا اظہار کیا
Devastating news from Rajouri. We have lost a dedicated officer of the J&K Administration Services. Just yesterday he was accompanying the Deputy CM around the district & attended the online meeting I chaired. Today the residence of the officer was hit by Pak shelling as they…
— Omar Abdullah (@OmarAbdullah) May 10, 2025
اس افسوسناک خبر کی تصدیق خود وزیر اعلیٰ عمر عبداللہ نے کی۔ انہوں نے ‘X’ (سابقہ ٹویٹر) پر ایک پوسٹ میں لکھا، “راجوری سے افسوسناک خبر آئی ہے۔ ہم نے جموں و کشمیر انتظامیہ کے ایک سرشار افسر کو کھو دیا ہے۔ کل ہی وہ نائب وزیر اعلیٰ کے ساتھ ضلع کا دورہ کر رہے تھے اور میری زیر صدارت ایک آن لائن میٹنگ میں شریک ہوئے تھے۔ آج ان کے گھر پر پاکستان کی طرف سے گولہ باری کی گئی ،جس میں وہ اپنی جان سے ہاتھ دھو بیٹھے۔ میرے پاس اس افسوسناک واقعہ پر اپنے دکھ کا اظہار کرنے کے لیے الفاظ نہیں ہیں۔”
بھار ت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
