احمد آباد سے لندن جانے والا ایئر انڈیا کا طیارہ AI-171 جمعرات کی دوپہر تقریباً 1:40 بجے گر کر تباہ ہو گیا۔ اس طیارے کے حادثے میں 265 افراد ہلاک ہوئے تھے۔ ایئر لائن نے سوشل میڈیا پلیٹ فارم ‘X’ پر پوسٹ کرکے تصدیق کی ہے کہ طیارے میں سوار 242 مسافروں اور عملے میں سے صرف ایک شخص زندہ بچ پایا ہے۔
وزیر اعظم نریندر مودی آج صبح تقریباً 8:30 بجے احمد آباد ہوائی اڈے پر پہنچے۔ صبح نو بجے کے قریب وزیراعظم نے جائے حادثہ کا دورہ کیا اور صورتحال کا جائزہ لیا۔ جس کے بعد وزیراعظم سول اسپتال پہنچے اور زخمیوں سے ملاقات کی۔
وزیر اعظم مودی نے اسپتال میں ایئر انڈیا کے طیارہ حادثے میں بچ جانے والے سے ملاقات کی۔
#WATCH | PM Modi meets and enquires about the health condition of those injured in the Air India plane crash in Ahmedabad pic.twitter.com/QCFrmdSEXx
— ANI (@ANI) June 13, 2025
وزیر اعظم نریندر مودی نے سول اسپتال میں ایئر انڈیا کے طیارہ حادثے میں بچ جانے والے وشواش کمار رمیش سے ملاقات کی۔ وزیراعظم نے رمیش کی خیریت دریافت کی۔
طیارہ حادثے میں زندہ بچ جانے والے واحد مسافر نے ڈاکٹروں کو کیا بتایا؟
ایئر انڈیا طیارہ حادثے میں بچ جانے والے وشواش کمار رمیش نے ڈاکٹروں کے ساتھ حادثے کے بارے میں چیزیں شیئر کی ہیں۔ ڈاکٹروں کے مطابق وشو کمارنے بتایا کہ جب حادثہ ہوا تو طیارہ ٹوٹ گیا اور وہ اپنی سیٹ سمیت باہر آگےاور اس طرح وہ شعلوں کی لپیٹ سے بچ گئے۔ اس نے بتایاکے وہ ہوائی جہاز سے چھلانگ لگا کر اپنی جان نہیں بچائی۔
حادثے میں ہلاک ہونے والے افراد کی شناخت ایک چیلنج بنی ہوئی ہے اور اس کے لیے ڈی این اے کے نمونے لیے جا رہے ہیں۔ احمد آباد کے سول اسپتال میں 265 لاشیں رکھی گئی ہیں۔ طیارہ حادثے کی تحقیقات دو سطحوں پر شروع کی گئی ہے ،جس میں ایئر کرافٹ ایکسیڈنٹ انویسٹی گیشن بیورو (اے اے آئی بی) اور سول ایوی ایشن کی وزارت کی ایک اعلیٰ سطحی کمیٹی شامل ہے۔ بلیک باکس سے حادثے کی وجوہات سامنے آنے کی توقع ہے۔
کل دیر شام مرکزی وزیر داخلہ امت شاہ نے موقع پر پہنچ کر صورتحال کا جائزہ لیا۔ انہوں نے بتایا کہ حادثے کے وقت طیارے میں 1.25 لاکھ لیٹر ایندھن موجود تھا۔ دھماکہ اتنا زوردار تھا کہ کسی کو بچانے کا موقع نہیں ملا۔ تمام افراد کو نکالنے کا کام مکمل کر لیا گیا ہے۔ ڈی این اے کے نمونے لینے کا عمل بھی جلد مکمل کر لیا جائے گا۔ جس کے بعد لاشیں لواحقین کے حوالے کر دی جائیں گی۔
جائے حادثہ پر راحت اور بچاؤ کا کام اب مکمل کر لیا گیا ہے۔ طیارہ لندن جا رہا تھا اور احمد آباد ہوائی اڈے سے ٹیک آف کے چند سیکنڈ بعد ہی گر کر تباہ ہو گیا۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
