دہلی کی وزیر اعلیٰ ریکھا گپتا کی سیکورٹی سے متعلق ایک بڑا فیصلہ سامنے آیا ہے۔ مرکزی حکومت نے انہیں دی گئی Z کیٹیگری کی CRPF سیکورٹی واپس لے لی ہے۔ اب ان کی حفاظت کی ذمہ داری ایک بار پھر دہلی پولیس کے حوالے کر دی گئی ہے۔
حملے کے بعد دی گئی تھی CRPF سیکورٹی
یہ فیصلہ اس وقت لیا گیا ہے جب کچھ دن قبل 20 اگست کو ایک عوامی سماعت (جن سنوائی) کے دوران وزیر اعلیٰ ریکھا گپتا پر حملہ ہوا تھا۔ حملے کے فوراً بعد مرکزی حکومت نے انہیں CRPF کی Z کیٹیگری سیکورٹی فراہم کی تھی۔ وزیر اعلیٰ کے دفتر نے اس حملے کو قتل کی سازش قرار دیا تھا، جس کے بعد یہ فیصلہ سامنے آیا تھا۔
اب دہلی پولیس کے حوالے سیکورٹی
اب ایک بار پھر مرکزی حکومت نے سیکورٹی کی ذمہ داری دہلی پولیس کو سونپ دی ہے۔ ذرائع کے مطابق سیکورٹی کے اس فیصلے پر دوبارہ نظرثانی کی گئی اور موجودہ حالات کو مدنظر رکھتے ہوئے CRPF کوریج کو ختم کر دیا گیا ہے۔
حملے کی منصوبہ بندی پہلے سے تھی
اس معاملے میں دہلی پولیس نے حملہ آور راجیش کو گرفتار کر لیا ہے، جب کہ اس کے ایک قریبی ساتھی کو بھی حراست میں لیا گیا ہے۔ پولیس کی تحقیقات کے مطابق وزیر اعلیٰ پر حملے کی منصوبہ بندی کافی وقت سے جاری تھی۔ دونوں ملزمان بچپن سے ایک دوسرے کو جانتے تھے، اور تفتیش کے دوران انکشاف ہوا ہے کہ راجیش کے دوست نے نہ صرف منصوبہ بندی میں مدد کی بلکہ مالی مدد بھی فراہم کی۔
پولیس کی تحقیقات کیا کہتی ہیں؟
تفتیش سے جڑے ایک افسر نے انڈین ایکسپریس کو بتایا کہ تحسین نے راجیش کو یقین دلایا تھا کہ وہ اس کی ہر ممکن مدد کرے گا، اور اس نے اسے آن لائن 2000 روپے بھی بھیجے تھے۔ دہلی پولیس کی ایک ٹیم راجکوٹ پہنچی جہاں تہسین سے تفصیلی پوچھ گچھ کی گئی۔ دونوں ملزمان کا آمنا سامنا بھی کرایا گیا تاکہ مکمل حقیقت سامنے آ سکے۔
ریکھا گپتا پر حملے اور اس کے بعد سیکورٹی میں بار بار تبدیلی نے دہلی کی سیاسی اور حفاظتی صورتحال کو ایک بار پھر موضوعِ بحث بنا دیا ہے۔ اب دہلی پولیس پر بھاری ذمہ داری عائد ہوتی ہے کہ وہ وزیر اعلیٰ کی مکمل حفاظت کو یقینی بنائے اور کسی بھی ممکنہ خطرے کا پیشگی سدباب کرے۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
