نئی دہلی :نیشنل ٹیسٹنگ ایجنسی (NTA) کی جانب سے 3 مئی کو منعقد کیا گیا NEET 2026 امتحان پیپر لیک کے شبہے کے بعد منسوخ کر دیا گیا ہے۔ اس امتحان میں تقریباً 23 لاکھ طلبہ نے شرکت کی تھی، جس کے بعد دوبارہ امتحان کے اعلان نے طلبہ اور والدین کے ذہنوں میں کئی سوالات پیدا کر دیے ہیں۔ سب سے زیادہ الجھن اس بات کو لے کر ہے کہ ری-ایگزام کے دوران ایڈمٹ کارڈ، فوٹو اور دستخط سے متعلق کیا نئے قواعد لاگو ہوں گے۔طلبہ سوشل میڈیا اور ہیلپ لائنز پر مسلسل یہ سوال کر رہے ہیں کہ کیا دوبارہ پوری درخواست کا عمل دہرانا ہوگا یا پرانے دستاویزات ہی کارآمد رہیں گے۔ اگرچہ NTA جلد ہی نئے امتحانی شیڈول کا اعلان کرنے والی ہے، لیکن اس سے پہلے ان اہم قواعد کو سمجھنا ضروری ہے۔
کیا دوبارہ ایڈمٹ کارڈ جاری کیے جائیں گے؟
ری ایگزام کی صورت میں NTA پرانے ایڈمٹ کارڈز کو منسوخ قرار دیتی ہے۔ چونکہ امتحان کی نئی تاریخ، نیا وقت اور ممکنہ طور پر نئے امتحانی مراکز مقرر کیے جائیں گے، اس لیے ہر امیدوار کو نیا ایڈمٹ کارڈ ڈاؤن لوڈ کرنا ہوگا۔ماہرین کے مطابق پرانا ایڈمٹ کارڈ اب کسی کام کا نہیں رہے گا، اس لیے طلبہ کو مشورہ دیا گیا ہے کہ وہ غلطی سے بھی پرانا ایڈمٹ کارڈ لے کر امتحانی مرکز نہ پہنچیں۔ NTA اپنی سرکاری ویب سائٹ پر نئی ایگزام سٹی سلپ اور ایڈمٹ کارڈ کے لیے الگ لنک جاری کرے گی۔طلبہ کو اپنے پرانے لاگ اِن کریڈینشلز، جیسے ایپلیکیشن نمبر اور پاس ورڈ، محفوظ رکھنے کی ہدایت دی گئی ہے کیونکہ نئے ایڈمٹ کارڈ کو ڈاؤن لوڈ کرنے کے لیے انہی معلومات کی ضرورت پڑے گی۔
فوٹو اور دستخط کے لیے کیا قوانین ہوں گے؟
فوٹو اور دستخط کے معاملے میں طلبہ کو پریشان ہونے کی ضرورت نہیں ہے۔ دوبارہ امتحان کے لیے نہ تو نیا فارم بھرنا ہوگا اور نہ ہی دوبارہ فوٹو یا ڈیجیٹل دستخط اپ لوڈ کرنے کی ضرورت پڑے گی۔NTA کے مطابق، طلبہ نے ابتدائی رجسٹریشن کے وقت جو فوٹو اور دستخط جمع کرائے تھے، وہی نئے ایڈمٹ کارڈ پر بھی استعمال کیے جائیں گے۔ تاہم ایک اہم بات یہ ہے کہ امتحانی مرکز پر لے جانے کے لیے اسی پاسپورٹ سائز فوٹو کی ہارڈ کاپی ساتھ رکھنا ضروری ہوگی، جو پہلے استعمال کی گئی تھی۔اگر کسی طالب علم کے پاس وہ فوٹو موجود نہیں ہے تو اسے وقت رہتے اس کی اضافی کاپیاں تیار کروا لینی چاہئیں۔ اسی طرح دستخط کے قواعد بھی پہلے جیسے ہی رہیں گے۔ طلبہ کو حاضری شیٹ پر وہی دستخط کرنے ہوں گے جو ان کے ایڈمٹ کارڈ پر درج ہوں گے۔NTA کی جانب سے جلد ہی دوبارہ امتحان سے متعلق مکمل گائیڈ لائنز جاری کیے جانے کی توقع ہے، جس کے بعد طلبہ کو مزید وضاحت مل سکے گی۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
